為了實現媽媽遺願，我成為了女兒國唐僧: 953

我拆開女性用刮刀嘅包裝，傳嚟一陣奇怪嘅味道，明明呢枝嘢同鬚刨就九成九似，貴廿蚊嘅原因係咪就係啲顏色同味道？OK，我buy，女人身體嘅價值都係取決於顏色同氣味，但好似YY呢種又有一個獨特野性嘅價值。
W：「我可唔可以…用呢枝止汗噴噴？」
咁當然係QQ㗎啦，我點會咁姿整噴呢啲嘢，係YY先會好似當係殺蟲水咁噴我呢隻害蟲；無打算勾引其他女仔嘅我，只要QQ對我無意見，我覺得維持原狀就好。
我：「可唔可以…唔好…我驚會攪到打乞嗤。」
又未至於真係鼻敏感嘅，只係我唔鍾意嗰唚人工化學香味，其次就係我想聞到女仔身上面本來嘅味道；Wendy，雖然我哋無緣喺埋一齊，但係我都想永遠記住屬於妳嘅氣味。
W：「哦，咁我唔噴啦…」睇個樣就知佢好緊張。
我擔咗張凳仔放喺梳化前面，準備幫佢變成大個女；除咗刮刀同cream外，我重有一把有鉸剪嘅瑞士萬用刀，係我爹地唔知喺邊個國家帶返嚟嘅；要知道…刮刀剩係啱用落啲短毛度，而勞作用安全鉸剪係無卵用嘅。
我：「套校服…可唔可以摺起衫袖？」諗下都知唔容易，而且Wendy算係有啲肉地嘅女仔，空隙位唔係太多。
W：「唔使煩啦，我驚你整親我多啲。」
佢講完就伸手向後拉低背脊嘅拉鏈，白色嘅校裙即刻沿住佢嘅身體滑落，將佢豐滿嘅身體曝露咗出嚟，入面係一個帶少少lace算係平實款嘅純白色Bra…佢嘅肌膚無QQ咁完美，有少少青春嘅瑕疵喺上面，shape就比較軟同攤開咁款，但如果計總容量佢應該贏QQ…唔可以再諗…




W：「我…已經揀咗個最靚嘅Bra㗎喇。」即係佢由今朝開始已經計劃好晒，甚至喺再之前嘅日子？
我：「呢啲外在嘅嘢…其實無乜所謂。」大家屋邨仔屋邨妹，點會唔明白吖，以前細蚊咪又係咁。
W：「個背帶好闊，費事阻住你。」我都重未get到呢句嘢係點解，佢就解開埋個扣，個Bra喺脂肪壓力同地心吸力嘅作用下彈咗出嚟，落咗喺佢大髀上面！
我：「Wen…dy，其實…唔使…除…Bra…」天下間最闊嘅肩帶，應該都唔會封得住個胳肋底掛…
即係佢早就打算好豁出去…但個目的係…我唔敢望。
W：「唔講都講咗！唔除都除咗！有乜辦法…」佢個樣又變得有啲唔開心，我諗…壓力一定好大，我要冷靜啲。