為了實現媽媽遺願，我成為了女兒國唐僧: 950

講完之後佢攬實咗我，將個頭埋喺我個心口入面。
呢一刻，我實在唔知點好，佢重著住校服俾人睇到都唔係幾好，我唯有包返實佢遮住佢個樣，輕撫佢嘅膊頭安慰，再掃一掃佢嗰把唔長唔短嘅頭髮。
無論如何，我都要回應返佢嘅心意。
我：「Wendy，多謝妳睇得起我，多謝妳…我好開心，係講真，絕對無呃妳，我知道妳係一個好好嘅女仔，但而家呢一刻，妳當我戇居啦，我實在…無乜嘢可以做到。」
我知道只要講一聲，佢就會成為我嘅女人，但係…呢一句所背負住嘅就將會係我其他千萬句嘅背叛。
雖然QQ成日鼓勵我去溝女，歡迎我去擁有自己嘅女朋友…但係，我唔可以背叛自己個心，咁樣會令我哋三個都受到傷害；我唯一可以做嘅，就係而家好好安撫妳。
W：「可唔可以幫我做一件事？」
我：「即管講啦，如果我做到嘅話一定盡力完成。」
W：「可唔可以幫我變做大個女？」
我唔識形容喇，內心心情早就嚇到雞飛狗走。




我：「點得！Wendy…唔可以咁㗎！雖然妳明知我係…但係我唔可以傷害妳…妳應該好好珍惜…」
W：「鹹濕仔，一早話你曳㗎啦！剩係識諗埋呢啲嘢！」佢笑中帶淚望住我講，一路㧻我心口，呢個表情好靚。
我：「咁係妳講先…我真係無諗過…」
咪係囉…乜大個女重可以有其他意思咩？唔通請妳食多幾餐飯等妳快高長大？如果妳喺呢個moment講啲咁嘅爛gag，我都無符嘅，認輸投降囉。
W：「我意思係…可唔可以幫我剃胳肋底毛？」
我：「吓！吓？」我呆咗，重要講得咁直接。
W：「我記得你話幫過EX…我驚自己搞得唔好，又怕整損，所以先諗住…搵你幫下我。」
我：「都可以嘅，但做乜無端端諗住要清理？」
W：「其實…雖然…大概都估到個結果…不過既然都開咗個頭，我想做大個女喇…雖然我唔覺得自己而家咁樣有乜唔好，但我今次想勇敢啲行出去，改變一下。」
Wendy深情咁望住我，話我知對我嘅態度唔係玩玩下。




我：「嗯，妳已經好勇敢，做得好好，多謝妳！」我又攬住佢搭落去膊頭，希望可以支持到佢。
W：「咁不如就而家啦，你應該未有咁早去食飯？」
我：「而…而家？妳屋企無人？」記得佢講過阿媽平日唔使返工，係間唔中星期六日去做替工。
W：「你唔係自己一個住咩？定係你爹地返咗嚟？」
的確，如果要搞啲咁嘅嘢而家係最適合，唔通呢頭拒絕完人哋，隔幾日再約幫佢做啲咁嘅嘢咩…
我：「但係…我屋企…屋企呢…」