為了實現媽媽遺願，我成為了女兒國唐僧: 898

Y：「講乜呀你！我點同你，要補身同美容㗎。」
我：「好唔好味㗎？」
Y：「你一陣自己試下咪知囉，我每次去韓國都買人蔘茶同人蔘精，細個就俾阿媽教壞咗。」
我：「哈…我心目中最美好嘅韓國菜就係芝士撈公仔麪加唔同味道嘅炸雞任食。」
Y：「咁都唔錯嘅，如果想快啲落地獄嘅話。」
呢個時候姐姐上茶同埋小菜，茶係嗰啲乜鬼養生茶類似粟米鬚麥茶咁，小菜就係泡菜醃瓜諸如此類。
Y：「其實咁樣對住你都幾好。」
我：「點解咁講？」我咬瓜咬到嗦嗦聲望住佢講。
Y：「唔使用腦囉，又唔使諗你想點對我，唔使管理儀容同表情，又無對住其他男仔嘅尷尬。」
我：「乜…妳呢啲咁嘅女仔，對住男仔都會尷尬？」




Y：「你想講乜呀，乜叫我呢啲女仔？我好正常囉好唔好，一般嚟講對對方有期望，就會諗好多嘢，要顧住自己嘅形象，有時會唔知點咁。」
我：「放心，我無期望同今日嘅女朋友上床，剩係期望佢快啲俾我收工，雖然啲伙食幾唔錯。」泡菜好味！
點估都唔會錯，然後佢又即刻黑面。
我：「唔好唔開心啦，事實上我何德何能有妳呢啲咁好嘅女朋友喎，就算我真係幾咁鍾意妳都好…」
Y：「你根本就係覺得我唔好。」
我：「唔好係某方面啫，整體夠好咪得囉，男仔又唔一定係追求最好嘅女仔，有時普普通通中point夾得嚟就已經係最好，女神呢啲幻覺嚟嘅啫。」
Y：「哈，咁你又同Queenie…」
我：「我同佢無乜，只係普通朋友。」
Y：「繼續吹吖，一男一女住埋一齊可以乜都無發生？」
我：「有呀，發生好多嘢，食飯溫書瞓覺，但無論發生啲乜，可以同佢做普通朋友我已經好滿足。」




Y：「好好奇你兩個到底係點相處，會唔會好尷尬…」
我：「初初有啲嘅，而家已經慣晒。」
Y：「佢係幾時開始嚟搵你㗎？」
我：「欸，佢啲嘢妳就唔好問我啦，我唔會出賣佢。」
Y：「睇嚟你已經訓練到對住任何女仔都可以從容淡定。」或者啦，當我連對住Bubble師姐都可以…
我：「…，咁又唔止係Queenie嘅，重有我以前識嘅女仔，好多嘢…試過之後，咪知道其實都係咁，遲啲呢，啲女魔頭再對我亂嚟，我可能識推冧返佢㗎喇。」
Y：「你夠膽就試下，睇下我會將你點樣…」
我：「將我點呀？小雞雞掹毛呀？我未必驚㗎，可能我都想試下呢，男朋友就畀晒全相妳睇嘞，幾時輪到妳呀？」
只要我相信佢唔會攪著QQ，其實我唔怕同佢玩。
我：「我嘅女朋友做乜唔出聲，畀我睇下塊鮑魚先啦，如果唔係男朋友唔愛妳㗎，咁先公平㗎嘛。」




佢一時反應唔到，我直頭喺枱底用腳擘開佢大髀。
我：「嚟啦，唔好同男朋友冷戰，我都想睇下妳平時點擘開大髀畀人服侍，知唔知道男朋友好欣賞妳？」
佢塊面霎時之間紅鬼晒，再好努力咁夾返埋隻腳。