為了實現媽媽遺願，我成為了女兒國唐僧: 874

P：「少少啦，不過都知嘅，但嗰下真係超級麻煩囉，勁想做男仔呀…睇嚟你都好清楚女仔啲嘢咁喎，拍過拖真係唔同啲。」
我：「呵呵，我可能清楚過妳添呀。」
一開始有姐姐教，之後有傻妹同我試，而家同個人細鬼大嘅一齊生活，再嚟多個癲嘅…咁我比妳呢個處女更加明白係一啲都唔奇。
P：「唓，你咁講肯定乜都試過啦，咁又係嘅，有YY喺你身邊，睇個樣你哋都應該拍咗好耐拖。」
似乎我同YY真係扮得好成功。
我：「唔話妳知，費事教壞妳。」雖然YY有令叫我唔好講咁多衰嘢，但頭先打牌已經咁樣…
P：「原來塊皮真係好軟，可以反來反去…」
塊皮就永遠都軟㗎啦，女仔塊皮咪又係咁軟，不過妳再咁sex study落去就遲早整硬某啲嘢。
我：「其實妳都有男朋友啦，玩佢嗰度咪得囉…」
係囉，又唔似得啲同男朋友冷戰嘅無聊女人。


P：「佢？算吧啦，叫佢食屎就得！」
我：「吓…點解咁講呀，好歹都係男女朋友，就算唔諗住做…都可以一齊玩下吖，如果唔係拍乜鬼拖喎，都係求開心啫。」
P：「我同佢拍咗兩個月拖都未夠！點可以咁快？」
都make sense嘅，好似我同細蚊咁第一日就上床好似真係唔太好，但我對住QQ死忍七個月又係痛苦到爆炸，就嚟想畀錢買佢嘅打J服務…
我：「原來係咁…都啱嘅。」
P：「佢呀！鹹濕到死！日日剩係想攪我，想除我啲衫，成日搵條嘢頂住我叫我幫佢，又攝隻手摸嚟摸去，平時重迫我睇鹹片，問我有無濕…」
唔好再講，分分鐘攪到我都濕埋。
我：「咁妳重同佢一齊嘅？」我大惑不解。
而佢一路將我條嘢擺來擺去，十足十當腸仔玩…
P：「初初聽佢話未拍過拖，個樣睇落斯斯文文，有啲傻下傻下乖仔feel，諗住唔會咁曳同埋易控制，未試下一齊囉，點知唔夠一個月就咁喎！」


我：「咁妳做乜唔即刻飛咗佢？」
P：「唉，雖然係鹹濕得滯，但佢對我又未至於好衰，我話唔好佢會停，激嬲我都會道歉同氹返我，外表整齊企理見得下人囉，飲飲食食同埋禮物呢啲佢都做得好足，如果突然話分手好似唔係幾好…」男人現實，女人都一樣。
我：「咁佢為咗氹妳上床實對妳好㗎。」
P：「呢層我都明…唉，但我唔想住呢。」
我：「妳咁靚女實大把人追啦，何必為咗一樖樹放棄整個森林喎，既然夾唔埋嘅話。」
P：「你唔會唔知㗎…嗱，啲乖嘅，A0嘅，一係就毒撚，外表完全唔乸掂，一係就書呆子，悶到妳死又乜都唔識，我接受唔到囉，咁另一邊，係呀，係有啲溝女好叻flirt得我好開心，靚仔得嚟又charm，成個奧丁咁，但我有無可能唔畀佢吖，我阻唔阻到佢偷食吖，我可唔可以唔俾其他女埋佢身吖？所以，都係…咪咁樣住先囉。」