thriXt Qantasy 純文字安眠之作 (New: - U2K - 一直上架): 830

我：「擺到明啦，Yvonne都係咁講，不過我好鍾意聽佢拉violin，因為呢個時候佢最唔麻煩。」
G：「夾band呢，我哋講啱feel，差唔多level先會一齊玩，唔啱key就會屌到條友走為止，玩音樂就會全副精神擺入去，有時放假由朝玩到晚，唔攰到攤喺度都唔捨得走。」
唔知點解，我心入面浮現出嚟嘅係唔屌到Angel姐姐屌到自己精盡人亡都唔捨得走…Angel，我諗妳唔會怪我嘅，因為，呢個只係一個真實嘅場面，我亦都無資格對你哋講啲乜，只係嗰種feel，我想…
我：「都明個大概嘅，夾band算係一種自我宣洩？」重包括埋性慾同體液？
G：「嗯，但係管弦樂團太多人，乜人都有，一啲話考試，旅行嘅，打比賽嘅又有，遲到早退放飛機，有啲剩係嚟交功課，要就嚟就去，三個拉小提琴嘅竟然可以三份唔同譜，搞唔搞笑？所以根本唔關樂器事，音樂都唔係大問題，個分別係環境。」
我：「不過，你都係成為咗呢度嘅一份子。」
G：「原本我真係諗住缺人，幫一日手㗎咋。」
我：「咁睇嚟Queenie姐姐佢真係好成功。」
G：「啲女人蠱惑囉…騎虎難下…」
我：「咁…不入虎穴，又焉得騎虎…」




G：「唔止嘅，或者係團長都打動咗我，佢可以令我想留喺度睇下佢有幾癲，佢嘅變態，就好似一個運動員，打拳又得，體操又得，踢波又得，滑雪又得，真係吹佢唔脹。」
我：「咁我都知嘅，就算我唔識音樂…但Queenie陪你夾band，你又陪返佢玩管弦樂，我覺得好好呀，好過我剩係識送啲古典CD同headphone畀Yvonne。」係喎，可以送headphone畀QQ喎。
G：「我哋鬧架嗰陣你睇唔到啫。」
我：「見住你哋一齊jam歌咁登對，乜都抵返啦，個口鬧唔贏咪攞起樂器繼續對鬧。」
G：「你就諗得簡單…都真係兩個世界，我呢啲鍾意自由自在，連time table都無，想幾時先返屋企就幾時返，唔聽電話就唔聽…我哋連讀書都係向左走向右走，我讀phy chem，佢讀history VA，大部份時間都係溝通唔到。」
搞乜鬼我變咗嚟聽哥哥講感情事宜…瘟神佢又係咁，你哋捉蟲關我乜事喎，我自己都周身蟻，要怪就怪你當初搵人哋過橋嚟識妹妹仔…
G：「所以都係唔明白點解會一齊咗，或者真係錯誤嚟，我諗佢都唔會明白我，可能只係唔小心喺埋一齊，就懶得再去諗。」
我：「唔明咪幾好，有錯都唔知，講個信字啫。」
G：「初初夾band以為自己可以好free咁同band妹玩，點知呢個邏輯唔適用喺我身上。」