為了實現媽媽遺願，我成為了女兒國唐僧: 802

我：「有乜特別喎，咪又係黑色短袖T嚟，後面多咗個彩色交叉咋嘛。」唔通係襯返我個名？
Y：「呢件off white嚟㗎，救命…」
我：「個logo好似打機手制個方向制，幾得意。」
望真啲頸下面有個off字，衫腳重有兩個長方形。
Y：「著你就著啦，件嘢幾千蚊㗎喇…」
我：「唔係呀化，何德何能呀？除咗啲奇奇怪怪嘅圖案，都係T一件嚟啫…」
Y：「呢啲嘢你不如返去問Queenie大小姐？佢重熟過我啦。」
我：「妳係專登買畀我㗎？」
Y：「無可能啦，係我…借阿哥啲貨嚟用下咁啫。」聽佢口吻，都係偷偷地A嚟用咁。
Y：「唔好停晒手咁，快啲換埋褲佢。」




我：「吓…但係妳喺度喎，唔使出去先？」
Y：「做乜呀，你係有啲乜嘢唔可以俾我睇呀？」
我：「咁妳始終係女仔，我唔好意思咁樣對妳…」
Y：「快啲換啦，趕時間呀，船唔等人㗎！」
我望下條褲，其實係兩條，一條黑色三角褲，條橡筋係黃色上面又係印住off white，而另一條就係波褲咁嘅物體，純白色有條鮮橙色褲頭帶，褲腳兩個off字，右pat位又有個交叉仔，我都懶得再問佢呢兩條嘢又要幾錢。
我：「連條底褲都要換埋呀？」我攞住條三角褲。
Y：「你係咪弱智呀？呢條泳褲嚟㗎，你想著幾多嘢喺入面呀？！」
我：「我只係想講啲料唔係好似，咁厚身嘅…」
呢個死變態女人，竟然要睇住我換褲都有，佢知唔知醜㗎；不過話時話佢個好朋友好耐之前都恐嚇我話要䚎我殊殊，唔通有錢女都係咁嘅德性？！我決定懶得理佢，擰轉身望住埲牆除低自己條褲，底面嗰隻呀下，用個光滑嘅屁股騭住佢。
Y：「喂！作死你呀，換條褲換到成個乸型咁！」




我：「你想我點呀，我唔係妳，我知廉恥㗎。」
其實真正嘅我係唔太知嘅，只係怕咗佢，如果佢貪得意襲擊我私處都唔知點算。
Y：「擰返過嚟，對住我…唔準用手遮住，你溝女唔係好叻嘅咩？乜怕會俾女望㗎？家陣當我怪獸呀？」直頭係吸血殭屍啦…
我：「我下面有乜好睇喎，玩返你條仔條嘢啦。」
Y：「今日你咪係我條仔嚟囉。」
我竟然全無還擊之力，都唔明點解會做咗佢玩具…
Y：「哈哈哈，你條嘢…原來都幾cute喎！」
臭女人，女魔頭…真係好想將妳…