為了實現媽媽遺願，我成為了女兒國唐僧: 729

車：「佢同你一齊生活，過得開唔開心？」
我：「應該幾好？至少唔覺得佢悽慘。」
車：「咁咪得囉，好好努力啦，或者總有一日你會感動到佢嘅…係呢，個condom…你未同佢用呀？」
我：「重好講，跌出嚟嗰下嚇到我面都青呀，我點會無神神同佢用，我未至於無恥到要佢肉償我。」
車：「點知你會唔會好似推冧細蚊咁推冧佢。」
我：「乜妳咁睇我…覺得我見女就上咁。」
車：「哈，好出奇咩，你喎…如果唔係我以前次次推開你兼服侍返你，我都一早無剩呀，話放入嚟擺一擺咁嘅大話都講得出！」
我：「咁我真係想感受妳嘅身體嘛，妳…會唔會一直都好抗拒我，定純粹覺得我太細個？」
車：「如果抗拒你就唔同你玩啦，只係我都唔知點解，唔想就咁畀你，或者到有一日，你真係愛我，我再同你做愛啦。」
我：「愛…我識條毛咩…我剩係知Queenie搶走咗妳個condom，重話攞嚟有用，可能已經用咗嚟同佢男朋友做愛。」


車：「哈哈，你呷醋呀？重要睇住人哋enjoy完返嚟，真係陰功豬咯。」
我：「唓，有乜好呷，咁佢同個穩定嘅男朋友做呢啲嘢都算正常嘅，關我乜事。」
車：「睇住你變咗個煩惱少年真係得意。」
我：「唔想諗佢喇，都無解嘅…我想問下，妳又會知道Bubble姐姐咁多嘢嘅，唔係老吹㗎？」
車：「我同佢…其實都幾得意，咁多年嚟我同佢都唔可以話係朋友，就連電話都無交換，不過有時返學放學撞到就會一齊行，女仔就一定會謦欬嘅，佢知道我少少嘢，我又知道佢某啲嘢，不過我講嘅都只係我嘅推論嚟，幾個月前佢先問我男仔成日留意佢對波係乜意思，點樣先知男仔對佢有無意思，成日覺得啲仔得個望字又唔去主動識佢好鬼煩，如果女仔做主動係咪好那個…我諗係得處女先會問埋呢啲問題，但估錯嘅話唔好鬧我。」
我：「咁妳點樣解答佢嘅疑惑？」
車：「我咪話，撩條仔上床先，上完之後咪知佢對妳乜意思囉。」
我：「吓，黐線㗎咩，咁樣答佢？！」
車：「你不朽都知我癲癲地㗎啦，我亦都無興趣喺佢面前扮啲乜，橫掂佢又唔會參考我嘅答案。」
我：「係嘅…佢都唔似妳，除咗波大之外。」


車：「我就唔知你想點啦，不過你講到唔係要搵佢笨，對佢又無興趣，憑你咁厚面皮直接搵佢講咪得囉，佢咁好人，唔會搵人打你嘅。」
我：「都係，但我覺得問咗妳先有個譜會好啲…」
車：「點呀，嘢就食完嘞，重有無嘢問我？」
我：「無喇…呀，妳同妳男朋友還好嘛？」
車：「你真係好八掛，成個八公咁。」
我：「都係想關心下妳啫。」