為了實現媽媽遺願，我成為了女兒國唐僧: 725

「啜卟。」然後偷襲式咁啜咗我嘴唇一啖。
Q：「知你對我好喇，傻豬，如果有乜嘢都可以同我講㗎，唔使收埋喺個心度，我唔會介懷，最緊要我同你可以一齊開開心心舒舒服服咁生活。」
我醉了，就算同妳甚麼也不是，都已經太幸福。
我：「無…無呀…無特別事，我做功課喇。」
Q：「知你負擔重，我都會諗辦法搵下外快，唔想你太過辛苦，不過你放心，我唔會做傻事。」
我：「唔辛苦，打下工其實都幾充實。」
Q：「係就好，最驚你返工攰搞到無精神讀書。」
我：「點會喎，以前我打咁多機重嘥時間啦。」
Q：「係咩？定係…顧住同Carmen姐姐打J，或者同細蚊打炮嘥晒啲時間咋？」
我：「妳就唔好笑我啦。」雖然佢講嘅係事實。




Q：「邊有笑你喎，唔係幾開心咩，難得兩個女仔都無嬲你，重可以繼續做friend…快啲做功課啦，等我練下乃木坂用音樂陪下你。」
到咗六月頭，我哋又練多次波，今次啲人已經齊晒，暫時睇落黃社唔夠人，實力亦都最水皮，另外三個社就差唔多，海軍對水兵咁；話晒都係臨時拉夫上陣，就唔好有乜期望啦，另外就某位爛作者話唔想寫咁多運動鏡頭，相信大家都懂。
唔知係咪因為賭注嘅關係，Bubble師姐好似特別上心，明明男子足球就唔關佢事，但佢就喺球場由頭踩到落尾，手執一本七人足球嘅書，不停咁喺場邊同啲隊友研究，到佢哋落場嘅時候就吶喊助威兼指揮，十足十教練咁；不過佢唔係牛丸，因為點計都係靚一截嘅，而且我唔相信無踢開波嘅佢可以臨急臨忙做到乜貢獻；講真我哋玩票性質連續傳到六七下波已經要謝天謝地。
不過佢啲隊員就聽晒佢話咁，無計啦，成堆都係仔嚟，臣服喺佢心口之上係必然嘅事實。
嚟到星期六，QQ又走去同男朋友遊玩。
唔得，我都要報復下…
我：『Carmen姐姐，考完DSE未呀？』
車：『考完啦，做乜咁好搵我呀？』有幾好喎，明明當初就係妳唔要我，如果唔係我相信可以一直玩落去，可能我到而家都係處男，不過細蚊就難講嘞，佢始終係到咗要俾人食嘅階段。
我：『關心妳嘛，咁而家係咪比較得閒？』講出嚟自己都覺得假，但無所謂啦，佢都唔會理。
車：『放緊暑假啦，係要睇下啲學科資料，同埋準備下面試咁，但都唔知有乜可以做。』




我：『有無興趣見下面？』嗯…其實呢句，係咪有啲渣男呢？就好似隨隨便便搵EX出嚟攪嘢咁嘅語氣，雖然以前同佢一齊就係咁，約佢上嚟就係話想睇佢隻出水鮑魚…不過今次搵佢係另有目的，我又唔係幾想就咁message講或者謦電話，因為我都有啲掛住佢，話晒當係朋友間唔中見下都好正常啫。