thriXt Qantasy 純文字安眠之作 (New: - U2K - 一直上架): 721

W：「死喇！應承咗媽咪去粉麪鋪買河粉唔記得咗添！」喂…呢度係拉靶嚟㗎，殊…
我：「收五點半，重有十幾分鐘。」
W：「咁…」
我：「咁乜呀，快啲執嘢跑過去啦，第二度無得賣㗎，媽咪咁好心情炒貴刁呀？」
W：「呀，你又會知嘅？」我捹捹隻手叫佢快啲行。
容乜易估喎，因為無乜人會無聊到喺屋企炒牛河，或者…我都應該搵日試下炒畀QQ食。
然後，我都執嘢走人，學校呢個時候開始變得冷清，我…好想…去開下人哋locker啲密碼鎖，唔係為咗偷嘢，只係想玩，訓練技術，外加八掛下入面有啲乜嘢違禁品，我絕對相信咁多女同學實有一個會帶震蛋返嚟學校玩。
「哈哈哈哈哈…」聽到有不尋常嘅笑聲，睇嚟我已經發現咗學校入面有不法嘅地下社團，策劃緊一啲為非作歹嘅勾當，就等我變身成X man去警惡懲奸，扶強鋤弱，強迫民女以身相許。
其實係我聽到瘟神嘅笑聲，我用叉叉忍術跣到去笑聲發出嚟嘅地方，就喺學校新翼班房嘅門口對開，偷聽一下入面到底發生乜事。
我將自己變到勁薄貼住埲牆，包保入面嘅人唔會發現我喺出面偷聽。




B：「喂呀，你哋唔好咁癲啦…」連Bubble都…
「乜嘢癲喎，臨放暑假埋齋玩一餐啫。」
「我同意呀，玩埋呢幾個月無得玩，暑假完咗重唔溫書溫到傻咩，最後嘅校園生活嚟！」
瘟：「哈哈，咁我重有一年，但我都buy嘅，去到全年結算嘅日子，係要慰勞下一啲有盡心盡力負出嘅同學。」
「梗係啦！你唔好好犒賞文書同財政，我驚你死都似。」睇嚟係四社會長喺度開會。
瘟：「咁人人有份嘅，唔止佢哋兩個，我同佢哋只係好普通嘅幹事關係。」
「唓，係你搞唔掂佢哋啫，我唔信你唔想嘞，食唔到咪幹事囉，食到就變幹那回事。」
「佢哋個文書我同學嚟，戴住副黑框眼鏡喺度扮乖乖女，實質都不知幾曳！」
瘟：「點都好啦…呢度有女仔喺度，收斂少少…」
「怕乜喎，Bubble都大個女，我識咗佢十年喇，佢都唔care呢啲嘢嘅，同佢又無利益衝突。」




B：「OK，我知你哋鍾意講女，fine…但係一場波攞二千蚊出嚟賭會唔會過份咗啲呀？」
「都話唔係咯，係全年結算，如果唔係贏咗嗰隊點去慶祝呀？而且我哋有份落場，咁樣先盡興！」
「唔通妳認為妳無得落場所以輸？唔係咁睇少妳啲社員呀…況且贏嘅只有一個社，大家好公平。」
B：「唔關事囉，要慶祝…喺個社度攞少少錢出嚟都得啦，使乜自己出…」
「攞到幾多？畀盡一千，夠食大家樂定麥當勞？」