為了實現媽媽遺願，我成為了女兒國唐僧: 698

我：「Sorry，就算你講到我幾重要都好，都係無用，因為我嚟緊嘅大考先係最最最重要，大佬我要揀科㗎，炒咗讀埋啲我唔想讀嘅科你係咪幫我去考DSE先。」
瘟：「咁你可以放定心都得啦，學校又點會俾我哋搞活動去影響眾多莘莘學子嘅學習進度呢？所以呢個係試後活動嚟嘅，會喺結業禮前舉行，加埋比賽係基於聯誼性質，大家照返平時咁踢就得，唔會有乜訓練環節，我哋打算五月尾同六月頭搵日放學卜場四社出嚟玩一玩，純粹擺下位，如果你唔想踢就露下面都OK㗎喇，到考完試我哋會再卜一至兩節嚟自由練習，之後就係比賽，你可以當玩就得。」唉，點解佢要係師兄。
玩唔玩好呢？我想問過QQ先，社際足球按道理唔會有啦啦隊掛，我哋學校邊有咁熱血喎。
B：「咦，Vincent你又喺度嘅，搵客呀？」
雖然著住校裙無PE衫咁明顯，視角效果上仍然係屌打QQ以至Wendy，我係講size啫，美感就唔知，呢啲要剝光豬捹兩捹嚟睇下先可以判定到。
瘟：「大家咁話啦，靚女Bubble師姐。」
B：「我靚女？你唔好玩我啦。」佢指住自己塊面，好似對自己外觀無乜信心。
瘟：「邊有玩妳呢，師姐嘅靚係發自內心㗎嘛！」佢一路講就摸住自己心口，明顯係雙關語嚟串緊Bubble姐姐大波波，但無可否認佢係口才了得，希望QQ唔會俾佢喺樖樹度氹咗落嚟啦。
B：「多謝喇，唔得閒同你玩，唔該晒你已經幫我講咗開場白，阿健，我知你得閒都有踢下波，可唔可以幫埋師姐今次呀，真係最後一次㗎喇。」佢趴喺阿健張枱上面認真望住健仔，介乎於色誘同綁架勒索之間，如果係我一定會覆佢放學容後詳談，畀我隔衫揸一嘢就幫妳，如果可以攝手入衫，小弟定必赴湯蹈火，鞠躬盡瘁…
係喎，師姐升中六，下年都無得再玩。




健：「但係，我好渣㗎咋喎。」
B：「唔緊要，玩下咋嘛，師姐會為你打氣！」
健：「咁好啦，幫埋妳今次…」真係順攤。
然後Bubble師姐對住瘟神擺出V字手加伸脷。
瘟：「頂…擺明性別歧視，男仔做嘢實在係事倍功半…係呢，做乜嚟打初中生主意嘅？」
B：「有乜辦法，無咗中六，玩得最癲嗰班走晒。」
瘟：「的確，如果唔係剩係請中六班大帝已經搞掂，但係…中五唔係都有堆踢波嘅咩？」
B：「文科同理科水火不容，有佢無我咁，我請得郁一邊咋，唔敢亂嚟，費事晚節不保，另外有兩個踢開嘅拍緊拖，話要避嫌喎。」