為了實現媽媽遺願，我成為了女兒國唐僧: 691

蚊：「邊似得你，見得嗰兩三次就推我落床。」
我：「對唔住囉…妳…唔係對佢有興趣吖嘛？」
蚊：「無喎，又傻又悶，都唔好玩嘅，鹹鹹濕濕咁望我兩下就好似好驚俾我發現咁擰乜塊面。」
我：「其實我都傻下傻下嘅啫。」
蚊：「點同，你傻得嚟好玩吖嘛。」
我：「咁妳又做乜撩佢嘅？」
蚊：「真係見佢幫咗我咋，幫佢射返次都唔算得係乜嘅，或者睇佢反應都會幾過癮。」
我：「其實佢…應該係好人嚟嘅，大概…」
蚊：「只有對愛情絕咗望嘅女人先會同個好人喺埋一齊。」
我：「但係…都無必要同個壞人喺埋一齊吖。」




蚊：「好人同壞人之間，都重有好多選擇嘅…不過，最衰嘅壞蛋都已經識過啦，係咪？」佢㧻我個肚，兩隻眼盯到我實一實。
我：「乜我真係好衰咩？」
蚊：「你講吖，有邊次屌完我之後係有好好氹我？」點解到咗而家…佢重…
我：「細蚊…對於以前，我實在非常抱歉…」
蚊：「我知㗎，Carmen姐姐大波靚女又玩得，你就對佢千依百順，我只係個代替品嚟咋嘛，你同我一齊只係為咗食我，我有無講錯吖，哼！」
我：「而家…我唔會再屌妳…只會氹妳。」
我摸一摸佢個頭，心中百般無奈，對於以前自己嘅行為，實在係唔知點樣先可以補償到。
蚊：「得喇，我都無怪你。」
好自然地，我又送佢返屋企樓下，雖然佢從來都唔係怕深夜一個人返屋企嘅女仔。
我：「喺呢，嗰條仔無對你…」




蚊：「得喇，知你關心我，我慢慢同你講啦，條仔係我玩online game識返嚟嘅，都係一個禮拜多啲，今日係第一次見，佢約我出嚟話想玩下同食飯，我見悶悶哋咪應承佢，順便睇下呃唔呃到餐免費飯食咁囉，一開始都無乜嘢，以MK仔嚟講都算斯文，佢話想去長洲玩，咁我諗住去玩去行下咪費事堆佢囉，佢無好過份，都係搭下我膊頭同昅下我啫，我都由得佢，到傍晚佢帶咗我去間海鮮餐館，食咗個hea爆嘅二人餐，但都要成三百蚊，我唯有好禮貌咁攞咗銀包僅餘嘅百五蚊出嚟，點知佢又真係收喎，咁無嘢嘅，普通朋友AA我都buy，間唔中出一次血啫，頂多走嗰陣問佢借返五十蚊充八達通，點知佢係咁睇渡假屋，我知佢實想扑嘢，咪扮到無乜嘢咁一齊睇，趁佢入去問嘢就即刻撇甩咗佢…重有，佢喺碼頭等到我同阿健走，阿健幫手趕走咗佢，但無乜特別。」
講完一輪嘴，已經嚟到佢樓下。