為了實現媽媽遺願，我成為了女兒國唐僧: 680

成日都覺得，佢喺出面係另一個港女，一返到嚟就變返同我一齊生活嘅女仔；或者精神上佢都可以做到完全分隔開，但肉體係無可能分身嘅，就算口講話無所謂，我無可能喺佢同男朋友恩愛完之後再毫無介懷咁進入佢嘅身體，我相信佢都無可能毫不在意咁同我纏綿完再搵佢條仔。
想還想，現實還現實，除非我同佢嘅關係係好靡爛嘅SP，如果唔係我哋個心邊放得低…而又當然，我諗我哋都唔係想剩係要呢種關係；亦可能，一切都只係我嘅一廂情願，因為我哋從來都無開誠佈公畀對方聽自己係點諗。
好多嘢我都唔敢講出口，好驚會打破呢一刻溫馨嘅平衡，唯有暫時用住…堅硬嘅下半身嚟傳達畀佢知我嘅心意先，反正…佢一直都知，又唔會避開。
佢嘅身體好暖，熱熱地咁，唔知佢有無面紅呢？因為我都睇唔到佢；佢嘅心口好柔軟，我右手箍住佢嘅膊頭，左手放喺佢嘅股溝上少少，即係重係透明嗰度…估唔到淘寶而家啲衫質料都唔太差，摸起上嚟好滑溜，亦都無乜異味。
Q：「我係黑桃王后。」佢無乜表情咁同我講。
我：「係…妳係王后。」但我唔係王上。
唔知…我可唔可以做到王宮嘅後花園主管呢？
見佢無乜特別反應，都唔知諗緊啲乜，膽大嘅我惜咗佢個額頭一下；咁其實…我都同佢惜過嘴啦，而且我都主動惜過佢條頸，都無乜特別啫。
Q：「喂，開工喇，幫我影頭像呀！」
唉，點解佢好似一副事業型女強人咁，一講做嘢就變得咁專業，雖然平時佢都係咁…然後佢就又拉返起塊粉紅色布，遮住我屋企塊滿目瘡痍嘅灰牆，而我又攞返起佢部iPhone，諗下點㩒同點影。




如果有朝一日QQ會成為AV女優，我一定要申請成為佢嘅專屬男優，但…佢重會有好多其他男優，其實…AV嘅演員真係一份好專業嘅工嚟。
Q：「見你咁幫得手，益下你先。」
QQ企喺度，二十度角擘開隻腳令到小腿啱啱叉開喺裙襬出面，條腰微側，右手舉高向天擺出個半蘭花手，左手擺頭頂反扣右手上臂，將佢兩邊白滑嘅胳肋底盡露喺我眼前，呢個絕對係我嘅功勞嚟…同我平時近距離接觸有啲分別，今次真係橫看成嶺側成峰，遠近高低各不同咯。
我：「妳啲姿勢咁專業嘅？」我隨手幫佢影咗張。