為了實現媽媽遺願，我成為了女兒國唐僧: 608

我：「我…我…無呀…只係唔…覺意。」
第一眼的確係唔覺意，但發現新大陸就梗係駐足觀賞啦…
W：「死變態！氹我唔著冷衫！然後䚎我！」
雖然語氣好重，但其實係好細聲。
我：「我…無心㗎，唔係想特別䚎，sorry…」
W：「你究竟…睇到啲乜呀？！」
我：「無呀，睇到衫袖入面啫，無乜特別。」
W：「你…睇到晒…肉酸死我喇…」佢一面苦瓜乾，彷彿測驗捧蛋咁嘅慘樣。
我喺度諗，QQ有無曾經都會咁怕醜呢？不過佢係女神嚟喎，女神係屬於神嘅其中一個分支，唔算係人嚟，所以情感上同普通人有好大分別，應該係，除非唔係。
我：「唔會呀，其實無乜特別…我都無諗啲乜。」




W：「就係因為咁，所以我先成日著冷衫咋嘛，我唔想俾人笑呀，最衰都係你，死人頭！」
講完之後佢就著返件外套…原來佢著外套，唔止剩係想遮掩自己豐滿嘅上圍，重好驚人哋發現佢胳肢窩入面養住嗰兩隻海膽；係掛，呢啲嘢無理由唔對稱嘅，呢邊有就嗰邊都有㗎啦。
我：「對唔住…但，呢啲嘢…個個人都有㗎啦。」
W：「但係，你哋啲衰男仔…最鍾意笑人…」
我：「其他人唔知，不過如果佢哋笑就好無聊囉，佢哋自己無咩，我就一定唔會笑。」
如果對住Carmen，佢懶得鏟有半cm喺度我就會笑死佢，再用手指搓佢忽肉嚟玩，然後再扭打一餐，結局當然玩到大家濕晒…但對住韻婷呢啲正經女仔，我自然就會收斂好多。
W：「係咩…咁你䚎乜呀？！先唔信你呀…」
睇嚟佢真係擔心蓻毛多過我睇到佢啲波肉。
我：「我…只係，見到得意，一時忍唔住忘形…」
W：「即係笑緊我啦，係咪呀？你好衰！」




我：「唔係，無呀，我諗…因為妳太過乖乖女先留喺度啫，如果唔係，妳覺得肉酸嘅話自己都處理咗啦。」除咗某啲要人服侍嘅女王。
W：「嗯…因為…如果我剃咗，好似好貪靚咁，我驚阿媽睇到會唔知諗埋啲乜，一陣以為我拍拖就好麻煩，咁我嗰度…又唔使畀男仔睇，咪由佢囉。」
我：「係嘅，無所謂吖，天然咪幾好。」
W：「但係你哋啲男仔，永遠都覺得女仔嗰度唔應該有毛…」
我：「欸，如果齋睇，滑捋捋白雪雪又好似靚啲嘅，但真係無所謂㗎喎，最緊要衛生啫，如果唔使畀人睇咪由得佢囉…不過，咁妳夏天咪無得著背心囉，游水嘅話又點算？」
W：「我…夏天都唔會著背心㗎，咁少布驚俾阿媽鬧，同埋我好少去游水。」
我：「咁妳覺得OK咪得囉，最緊要自己想點就點，唔好理人哋點睇啦…妳都知…我又唔係未見過，無乜嘢嘅，我幫女仔剃胳肋底毛都試過。」