為了實現媽媽遺願，我成為了女兒國唐僧: 600

話咁快，復活假就已經完結，我繼續係一個邊打工邊返學嘅A4毒撚，而QQ就繼續做返佢嘅乖乖學生同人哋嘅女朋友，乜都無變過。
非常難得地，今次我都係做得晒啲功課嘅，因為有個女魔頭喺度催迫吖嘛；最大嘅遺憾就係本鬼混都係睇唔完，得六七成到…重係無自己最想睇嘅香豔情節，唯有緣份到再續喇，最緊要係寫得完篇六百字嘅閱讀報告。
W：「阿爽早晨呀。」
喺走廊度撞到韻婷同我打招呼，將呢個三魂唔見咗七魄嘅我帶返嚟準備上堂嘅現實；無計啦，琴晚放工已經成十二點，沖好涼執埋啲功課已經成點幾，再㩒多幾下電話…瞓得五個鐘到係咁嘅狀態㗎喇，如果唔係佢提一提我怕且會坐返落個舊位度然後俾人恥笑。
我：「早晨呀…Wendy，好耐無見。」
W：「哈哈，係呀，耐到好似小學到而家先見返。」
我：「妳唔好咁講啦，只不過係我唔太social啫。」
W：「唔緊要啦，我哋當重新認識過咪幾好。」
我：「又得啫，等我自介先，我係最鍾意玩文具嘅阿爽，興趣係借隔籬位啲文具嚟研究。」
W：「…」佢用一副睇小學雞嘅樣嚟望住我，殊不知係只有小學雞先會擺副咁嘅樣出嚟。




至於玩文具，都要有目標先得，如果唔係全世界會認為你係一個有自閉症嘅白癡仔；所以即使我喺最右手邊呢個唔多起眼嘅位置，我都無乜搞小動作，只係一路趴喺度聽書。
由於角度問題，我望黑板需要望去左手邊，我發覺只要再轉多幾度就會望到遠在天邊嘅右女神，剛剛好喺Wendy個心口…對波前面，我撓埋雙手伏喺枱面，人哋都唔知我係咪神遊太虛緊，其實我一路望緊QQ，一路又觀察緊Wendy對波，可以話係一舉兩得；唉，好想揸下波波呀，單純摸下玩下嗰種，呢個size好似都幾唔錯，不過我諗呢個世界除咗架大卡車會接受我呢啲無理要求之外，應該都唔會有第二個；其實又唔會蝕咗忽肉嘅，怕蝕嘅我攞返條雞雞出嚟畀妳揸下囉，我重怕醜啦。
上堂，most likely就係思考埋呢啲咁無營養嘅嘢，否則都唔知點樣先可以捱到落堂；點知QQ突然擰咗個頭過嚟矋住我，嚇到我坐返直個人繼續上堂。
對唔住QQ，我唔應該有異心，保證今後只崇拜妳身上嗰對波波，在所有肉團之上。
至於Wendy呢，佢讀書唔算叻，尤其數學係差唔多包尾嗰堆，所以佢會問下我，咁我通常都識嘅咪教下佢囉；另外佢好似而家有啲近視，黑板大斜角啲字會睇得好辛苦，見佢望到矇豬眼咁咪又幫佢抄下notes囉，如果唔係我絕對唔會抄㗎，因為QQ隨時可以為我提供任何參考資料。