為了實現媽媽遺願，我成為了女兒國唐僧: 592

我：「係？Queenie…我…之但係…」
吓！做乜咁突然？女神同我示愛？但係…佢有仔㗎喇喎，到底佢想點，唔通想一腳踏兩船？我…如果…QQ係我條女當然開心死啦，日日都可以喺屋企玩到胡天胡帝，就算唔精盡人亡，至少都唔使再谷精上腦；但…只係分到一半嘅佢，我又應該如何自處？有數得計我就點都唔會蝕嘅，不過要我睇住自己條女去喂第二條仔，我又會唔會頂得順，到佢返嚟就要就地正法嚟懲罰佢，點知發現入面重係暖…再加好多黏液…
Q：「你知唔知點解我會鍾意你呀？」
我：「因為…我對妳好好，會照顧妳？」
唔通，我真係成功用錢收買到女神嘅心，同埋隨之而嚟嘅…肉體？！媽咪呀，我頂唔順喇。
Q：「係因為，今日，係，愚，人節呀！哈哈！」
衰妹…玩我…傷心…好在啱啱無即刻攬住妳狂嘴。
我：「哦，知道喇，唔好鍾意我囉。」
Q：「又唔係嘅，無咗你，我就無地方住，無飯食，生活唔到，可以點唔鍾意你喎。」
我：「唔使勉強，就算只係普通同學，我…都會幫妳嘅，唔使擔心。」因為我早就超鍾意妳。




鍾意喺屋企唔戴Bra嘅飛釘QQ，鍾意勁多鬼主意又識惡攪我嘅小惡魔QQ，鍾意著住好少布運動衫滿身香汗嘅QQ，鍾意臭串黑面右女神QQ，鍾意霎時感動嘅喊豬QQ，鍾意啦啦隊QQ，鍾意女僕QQ…
雖然妳唔係我女朋友，但我可以同妳一齊生活，見證到妳嘅一切一切，已經夠我鍾意妳，無條件咁向妳奉獻所有。
Q：「嘻嘻，多謝，不過只係愚人節好鍾意好鍾意你嘅話，都唔係唔得嘅。」
我：「乜咁客氣呀，想一年一日做我女朋友呀？」
Q：「如果你想做我嘅愚人節男朋友，無問題吖。」
我：「妳…係咪講真㗎…定係玩緊我？」
我諗…如果…就算玩下，只係名份，我至少可以揸下佢波？雖然唔見得如果我平時揸佢會搞到反面，但出師有名點都好啲嘅，可能佢都想開心下。
Q：「講真呀，不過做我男朋友都幾慘㗎喎，快啲諗下帶我去邊度食嘢先，同埋要送份定情禮物畀我，而且…得返一個鐘咋，你想做衰嘢可能要等下年，哈哈。」
我：「唓，到頭嚟又係玩我，心領喇…諗落妳男朋友平時又真係幾慘，下下都要服侍妳呢個女王。」
鬼叫人哋有家底嚟服侍妳咩…最苦與最樂，我覺得最樂當然係有得同佢魚水之歡，最苦睇怕就係自己女朋友同第二條仔一齊住嘅事被蒙在鼓裡。




Q：「喏，你重記唔記得有次我乜都無著同你一齊喺被竇入面？」