thriXt Qantasy 純文字安眠之作 (New: - U2K - 一直上架): 537

哼，我係應承我媽咪咋嘛，都唔係應承妳，妳自己就曳到爆，憑乜嘢要我乖喎，不過妳嘅存在搞到我無女食亦都係事實；如果唔係睇怕我都會忍唔住細蚊嘅色誘，又或者已經捉咗Angel姐姐返屋企慢慢砌。
我：「點睇Wendy都係乖女仔嚟，邊似得妳咁…」
Q：「呀，好嘢喎，識得串返我添。」
我：「係吖嘛，一個女仔…易唔易食，我都重識睇嘅，雖然無得食。」
Q：「哼，唔好講到我咁隨便，我剩係會同男朋友親密㗎咋。」講起就把鬼火，一個人都要喺我面前放閃光彈，同一時間又成日整到我下面硬晒態，呢個女仔實在係居心叵測。
由於天氣已經回暖，QQ上半身雖然重係著住長袖衫，但下半身已經換咗條短褲，將佢姣好嘅白滑大髀露咗出嚟；係一條灰色真理褲，好鬼死短，短到見pat肉嗰隻，側邊重要有少少叉，差唔多可以睇埋入面條底褲。
我：「乜妳唔怕凍嘅咩…」
Q：「女仔下半身不朽都唔怕凍㗎啦。」
我極度懷疑佢啱啱受到啲姐妹唔知乜嘢衝擊，搞到個人神神化化咁。
Q：「點呀？係咪好正呀，我隻腳？」


佢踩咗隻腳上嚟我張凳上面。
我：「係呀，好正，正到流晒口水喇。」
Q：「我大人有大量益下你，畀你摸下嘞。」
咁我唔客氣，於是我用手指彈下彈下…
Q：「喂，你喺度搞乜呀…」
我：「Bio阿太話呢度係不自主神經，受到刺激隻腳就會不自主踢…嘩呀！乜…咁大力踢我條腰！」
Q：「鬼叫你喺度玩我身體…喂！做乜呀…咪捉！哈哈哈哈哈…哈哈哈哈哈！唔好！救…哈哈！」
無，我只係捉住佢隻腳仔，抬起成條腿兼係咁唧佢隻腳板底，攪到佢喺度彈下彈下…筋鬆腰軟嘅女仔真係好可愛。
QQ，可以同妳一齊住實在係太好。
Q：「話時話，你喺度做緊功課呀？」


我：「嗯，我已經完成咗一樣…咁大把。」
Q：「我見你計咗數咋喎，其他呢，攤晒係枱面諗住稟神呀？」
我：「無啲咁嘅事，只係太多…唔知點入手好。」
Q：「懶鬼，係咪我唔喺隔籬就唔願做功課先？」
我：「唔係呀，思考緊做邊樣先，要花啲時間…」
Q：「你就全部都唔想做㗎啦，嚟啦，一齊做嘞。」
我：「邊係喎，我會畀心機讀書㗎。」
然後QQ就坐咗喺我隔籬，攞埋自己啲功課出嚟一齊做，我哋貼到好埋，隻腳時不時都會掂到，而我係用右手寫字，所以間唔中會唔小心揩到右女神嘅心口，不過佢就無特別避開我，仍然係黐到埋一埋，好似我哋本來就應該係咁。