為了實現媽媽遺願，我成為了女兒國唐僧: 514

過程就唔描述咁多喇，只係佢小心翼翼咁慢慢捋個套落去個test tube開口嗰邊，咁條test tube當然長過一般條嘢好多啦，所以佢就捋咗好耐，直至成個套俾佢完全拉開笠住晒個tube，我諗有成二十cm…
完事之後佢又望一望我，好似好拍醜咁。
Q：「Miss，我完成咗喇。」
太：「非常好呀下，妳果然無俾隔籬位影響有專心睇片，笠得非常之靚，呀爽，咁你而家將你枝嘢交畀門口位個同學，等大家傳一次嚟睇下啦，所有同學都唔使怕醜，可以摸下掂下，大家以後實有機會用到嘅。」
跟住我就將條嘢交咗畀門口位嗰個女仔，佢一面尷尬咁接過我條嘢，眼仔碌碌咁望住QQ幫我戴套條嘢，非常讚嘆咁…而我同QQ亦都返埋位坐。
Q：「今次真係俾你累死呀。」佢一面怪責嘅語氣。
我：「Sorry囉…點估到喎。」
Q：「唔好同我講嘢，我要專心上堂呀。」
之後啲同學繼續傳條戴咗dom嘅test tube嚟睇，Miss就繼續教唔同嘅避孕方法，就連書上面無記載嘅體外射精同埋安全期都有講；佢話呢兩個方法雖然好多人用，但係以避孕措施嚟講風險就好高，同埋完全預防唔到性病。
本來我想攞嚟串QQ㗎，不過我驚俾佢鬧，所以就唔敢喇，都係安靜聽書算，因為我都驚繼續俾阿太佢難為；教完避孕之後，佢又攞返幅JJ圖同鮑魚圖嚟教；果然，大家已經開始悶到死死下，望住兩個器官都唔會話有乜騷動。


話咁快就到咗食晏。
健：「你條友真係好嘢，上reproduction都重可以同女神佢謦到欬嘅？」
康：「咪係囉，你係咪同佢講淫嘢呀？乜你唔驚佢告你性騷擾㗎咩？」
我：「無囉，乜嘢淫嘢呀，呢啲係性教育，我只係同佢討論下性知識啫。」
例如點樣節省避孕套使用以達至環保效果。
健：「佢真係肯同你謦㗎？」
康：「唔會好尷尬嘅咩？點解開到口㗎…」
我：「咁其實…無乜特別啫，上堂都會教㗎啦，而且佢又有拍拖，我又拍過，都無乜好尷尬。」
健：「知你威威啦，同女神談情說性。」
我：「喂，唔好亂講，絕對無談情，最多都係說性，我唔想俾人造謠生事大做文章。」


康：「其實…Queenie係咪處女嚟㗎？」