為了實現媽媽遺願，我成為了女兒國唐僧: 511

我：「女神，呢範妳專業呀。」我喺佢耳仔邊講。
Q：「喂…細聲啲呀，收嗲啦。」
睇嚟佢都好驚人哋知道佢已經人事，不過有留意開佢嘅應該都知佢係拍緊拖，經唔經人事只係時間性嘅問題；不過呢個年代個個都係咁㗎啦，我覺得實在唔需要大驚小怪。
畫面繼續播住嗰位和藹可親嘅護士，佢拎咗一條塑膠棒狀物出嚟準備做示範。
我：「咦，呢樣可能係妳需要嘅玩具嚟喎。」
Q：「…，你夠喇下。」唔知點解，我覺得佢呢個半瞇眼想咬人嘅表情好正，可能我真係想畀佢咬下。
明明…妳自己就會同男朋友玩phone sex，我都係為妳嘅性福著想啫，咁妳都畀得我知喇，重扮乜鬼矜持喎，又係妳同我講性需要係人都有唔應該死忍嘅；而且Carmen姐姐講過，雖然手指好容易刺激到有需要嘅地方，但玩具畀到嘅飽滿感又係另一種唔同層次嘅享受，所以佢嘅收藏我差唔多全部都陪佢玩過。
當然，我都知按摩棒唔一定係女仔用，就連我都曾經俾佢震到死去活來一泄如注。
我：「不如我問妳一條IQ題吖，係我小學嗰陣聽返嚟嘅，雖然聽落係好鹹濕鶻突，但係又真係好考IQ㗎喎，咁而家有三個男仔同三個女仔，佢哋都玩到㷫熻熻，想試晒對面嗰三個異性喎，不過佢哋都好有安全意識嘅，堅持要戴套嚟做，咁條問題就係問佢哋需要最少幾多個安全套？」
Q：「三個。」QQ毫無表情斬釘截鐵咁答我。


我：「咁…點解係三個？」我對於佢知道個啱嘅答案大感意外，明明就連阿健都唔識答。
Q：「因為…我都讀過小學囉。」
有乜可能…明明佢係咁高貴嘅公主女神，點解！？會聽過呢條咁草根嘅IQ題，到底妳喺小學入面曾經有啲乜嘢經歷，識埋啲乜嘢人。
我：「但係點解妳會知嘅？同埋妳係咪真係知道點解用三個就已經夠㗎？」
Q：「夠喇你，我係絕對唔會答你㗎喇，死心吧啦，快啲專心上堂。」
講嗰陣遲呢邊就好快，護士姐姐就已經示範完點樣將一個安全套笠落條塑膠模型上面，由於條模型又長又大香蕉咁款，所以笠得好完整好靚。
太：「各位同學，係咪學到好多嘢呢？刺唔刺激呀？我見大家都睇得好專心目瞪口呆咁，應該都唔會不安同投訴㗎可…不過呢，我就留意到有一位同學好似唔太專心咁噃，呀爽同學！」
我：「係…我喺度。」明明我坐咁後，重咁細聲…
太：「頭先你做乜喺度謦欬呀，係咪你已經知道晒安全套點用，覺得唔使睇喇？」
「哈哈哈哈哈…哈哈…」


我：「唔係嘅，只係叫做略知一二。」
太：「既然係咁，你頭先同隔籬位女同學有啲乜嘢分享呢？可唔可以等其他同學都學下嘢？」
我：「無嘅…其實…基本上都係圍繞返頭先段教學片段嚟討論。」硬著頭皮已經成為咗我嘅返學宗旨，既來之則安之，遇神拜神，遇佛打齋。