thriXt Qantasy 純文字安眠之作 (New: - U2K - 一直上架): 434

我：「或者啦，就算mark完都可能唔記得返學校入電腦，貪無嘢做咩。」
再等多五分鐘到巴士終於嚟到，我哋一上車就見到阿康喺下層嘅後面，同車重有兩三個同校嘅學生，面色都唔係太好咁。
康：「點算呀，我哋係咪會遲到…」
健：「呢個可能性都幾大下，唔可以排除。」
我：「除非攞枝槍指住個巴士司機，叫佢變身做那夜凌晨嘅紅Van司機。」
康：「重講笑！我阿媽見到我有遲到紀錄又發癲㗎喇，早知唔等埋你哋搭呢班啦，或者搭的士兜埋你兩個好過。」
我：「放鬆啲，隨遇而安，我哋而家無嘢做到，不如乜都唔好諗，開場傳說嚟…」我醒起講錯嘢。
康：「傳你個頭呀！無電話打，無心情打。」
健：「唔好咁躁先啦，研究下一陣有邊啲女可以昅好過啦，一年一度可以近距離睇女仔PE褲。」
我：「係呀，斜斜地望上去上面嗰格啲女仔，隨時可以喺條罅望到入面條底褲㗎，佢哋坐得又粗魯，又鍾意蹺腳，髀罅露出嚟都唔知，睇背脊又可以睇晒佢哋戴乜嘢Bra。」其實我成日覺得啲女仔係明知會走光而喺呢個特別日子賣大包，等啲仔睇下自己有幾正再心中暗喜。




健：「咪咁大聲啦，有其他同學喺度㗎！」當然亦都包括咗女同學。
康：「咁你祈求一陣出大太陽，曬到佢哋除晒風褸。」三月頭已經開始回暖，包括聽到女嘅阿康嘅內心。
過咗漫長嘅廿幾分鐘，我哋終於落車。
健：「屌！個運動場入口咁撚遠嘅！」
我：「跑啦！重講廢話！」
康：「喂喂喂！等埋…我…」
其實最無所謂嗰個就係我，但可能因為生活習慣關係，一要爆嘅時候我就會喺條街度飛奔，激情到好似偷完嘢俾差佬追咁嘅款，都咪話唔嚇人。
同我哋同車嘅幾個同學睇到我哋咁都開始跑，夠晒羊群心理，但當然唔夠我跑得快啦。
跑完二三百米穿過運動場地下嘅入口，個訓導已經企咗喺度招呼我，唔知有無遲呢，可能一分半分鐘咁啦，我都畀面佢停低咗，過咗三秒到阿健都嚟到我嘅身後。
我：「Yeah！我贏咗！」我舉起V字手勢。




健：「黐線…晨早流流…未比賽就要同你跑…」佢上氣接唔到下氣咁，啲呼呵呼呵就唔打出嚟喇。