thriXt Qantasy 純文字安眠之作 (New: - U2K - 一直上架): 428

我：「吓…十點都未夠咋喎。」
Q：「你係咪唔記得聽朝要早起身，要整早餐，重要搭車去運動場，而且你朝早有比賽？」
我：「都係早一個鐘啫，平時我都十二點幾先瞓。」百無聊賴嘅我喺傳說入面打緊人機收菜。
現代嘅小朋友，其實都好崇尚傳統自然嘅農村閑適生活，我哋每日嘅工作包含咗收菜（登入遊戲攞每日禮包同擦任務分），割草（無双系見人就斬），放牧（打開遊戲睇住一班放置少女升lv【音：喱lei1】），聽天由命—求雨（抽卡祈求天降甘霖），可見科技進步其實係無改變人類活著嘅初心…
Q：「我要你幫我拉筋呀！」
我：「係咁咋話，早講吖嘛，想我點幫妳呀？」
Q：「你未沖涼咁污糟唔好掂我呀！」
吓，其實要點幫佢？要掂佢…掂邊度？唔理喇，聽到個掂字我已經失去理智直接衝咗入廁所開花灑；頂，得嗰六十幾度水…唉，唯有慳住用啦，而且我一諗到QQ嘅身體就已經熱血沸騰，直頭跳落貝加爾湖沖冰水涼都得呀！等我磢靚隻小雞雞用嚟幫QQ拉筋先。
出返嚟，我見到佢大字形咁坐咗喺我張床上。
我：「嘩，妳差唔多一字馬喇喎，咁鬼軟嘅…」其實同一時間我係望緊佢對鬆軟嘅波波。




Q：「細個有跳芭蕾舞嘛，以前係做到一字馬。」
呢個女仔嘅童年，究竟有乜係無㗎…
我：「妳都老司機咁款，重拉乜鬼筋喎。」
Q：「我老你個頭呀，再講信唔信我半夜唧啲萬能膠落你個嘴黐實佢吖嗱？」
我：「咁呀…欸…我唯有擘大個口嚟瞓，呀…」
Q：「係先好呀，咁我唧落你塊包皮度封住佢。」
屌…佢真係黐線㗎喎，如果俾佢男朋友知道自己條女暗啞底嘅一面實行掟煲都有份。雖然我有考慮過話我一直硬住嚟瞓等佢黐唔到我包皮嚟窒返佢，但…小命誠可貴，女神價更高。
我：「係我錯，請問你想我點幫妳？」
Q：「坐上嚟同我做同一個動作先。」
當然啦，我係擘唔到佢咁開嘅，但係由於我高佢啲啲，兩隻腳都係可以勉強對返位。




Q：「原來你都幾柔軟㗎喎。」
我：「OK啦，打波輪隊嗰陣我都會拉下，以前跑跑跳跳得多，跳欄桿、跳凳、跳花槽、跳樓梯我樣樣精通，咪咁。」
Q：「得喇得喇，我知你係一個曳小朋友嚟。」
我：「係呀，試過玩捉有小朋友追我跟住一齊跳花槽，結果佢跳唔過跌咗落花槽俾啲樹枝整損晒。」
Q：「我呢世都唔會同你玩捉…嚟啦，捉住我隻手先。」然後我哋互扣手腕…係呀，無十指緊扣；同埋兩對腳掌互相頂住。
雖然話我哋平時都唔少身體接觸，但而家呢個姿勢都幾特別，好感受到佢四肢嘅張力。
Q：「嚟啦，出力拉低我啦。」