為了實現媽媽遺願，我成為了女兒國唐僧: 426

我：「咁都要個model天生麗質，出水芙蓉，人見人愛至得嘅。」
Q：「呀化，又係嘅。」扮到無晒嘢咁，但我已經識穿咗佢嘴角含春由個心度笑咗出嚟。
我：「畀返部電話我啦，自己嘅相有乜好睇喎。」
Q：「我諗緊，其實自己都影唔到幅咁靚嘅相，不如放上IG咯，都只係少少性感啫。」
聽到佢咁講我即刻冷汗都飆埋出嚟。
我：「點得㗎，咁樣俾人睇蝕晒喇。」
Q：「都無乜嘢啫，身邊啲女仔都開始大個，大家都討論緊幾時解鎖泳衣照先好。」
我：「唔得㗎，咁樣會死人冧樓，個個都睇到流晒鼻血，妳想J死佢哋咩…」
Q：「擔心人嚟做乜，定係J死你個鹹濕仔咋？」
我：「呢層…邊係…」




Q：「快啲講，你上次J我係幾時？」
我完全估唔到…佢可以塊面紅都唔紅下咁問我呢啲問題，但其實又係嘅，佢都接受到攤喺我面前俾我望住佢嘅身體嚟…乜嘢，咁呢啲問題又算得係啲乜吖。
我：「呢個…咪較早前…唔係好耐。」
Q：「懶得理你，快啲send過嚟畀我執啦，最多我貼隻揞眼馬騮喺個肚上面遮住。」
我：「咁點得喎，如果…德爺睇到咁點算呢？」
重點其實係社長，佢肯定有QQ個IG，萬一睇到張相就會知我同QQ私通，無論佢向邊個方向諗對我哋兩個嚟講都唔係一件好事。
Q：「有乜所謂呢，啲相最驚就係流咗出去搞到個事主唔開心啫，而家係我呢個主角想攞返嚟用，唔會有人投訴吖，有乜問題噃。」
我：「咁我話過私人收藏唔會畀其他人㗎嘛，好歹都叫應承咗佢，同埋如果妳有呢幅相，佢咪知我同你…好friend囉。」
Q：「無乜特別吖，我坐你隔籬friend都正常，德爺又唔八掛嘅，佢不理世事淨係影相嘅啫。」
問題係我得到呢張相嘅手段其實好唔正常呢。




我：「但係…好可能其他人就會知佢影埋呢啲咁嘅相，如果講佢壞話…就唔係幾好啦。」
Q：「吓，幅相好正常咋噃，正常角度又唔係偷怕，跳高係影呢個timing㗎啦，我見過其他運動相打埋入去個Bra或者top度都係咁，其實最衰都係我，如果唔係無攝衫就唔會咁，好在呢排有做運動個肚無咁顯眼啫…同埋佢都就畢業啦，唔係重要攞貞節牌坊呀，個個都知佢收埋大把女仔相。」
QQ竟然估到佢本人諗法，夠晒細心。
我：「我…幅相我哀咗好耐先有㗎，我…唔想俾其他人睇到呀，唔好貼啦。」我決定出超必。
Q：「死靚仔…獨J難肥…呀。」
我：「係呀，我同妳一樣都唔想肥，放心啦，我會乖乖地畀心機獨J呢幅相。」