thriXt Qantasy 純文字安眠之作 (New: - U2K - 一直上架): 418

我：「兩位師兄，你哋好呀！」
德：「嘩！該煨，想嚇死人咩！你乜水？」
瘟：「呀…爽同學，你做乜喺度嘅？」
我：「無呀，聞到啲好東西嘅香氣咪吸引咗我嚟囉。」我用閃閃眼望住社長，即係呢，蠟筆小新睇到姐姐走光同聞到阿媽食心點時嗰隻眼神。
瘟：「乜呀，唔知你講乜喎…唔好咁八掛啦。」
我：「請問一下，係咪有閃卡可以分享呀？」
瘟：「無呀，呢啲學校資源嚟，唔放出去…」
我：「咁樣…呢個，咁我唯有話畀我隔籬位好同學知有兩位師兄zoom到佢粒肚臍去到1600%嚟睇，笑瞇瞇咁喺度意淫，佢一定會為自己咁受歡迎而感到開心…」我老作1600%㗎咋，但真係一粒肚臍full screen霸住晒個相機mon。
瘟：「喂喂喂！爽…大佬，有嘢慢慢講吖…」
我：「咁請問有乜事呢？社長大人閣下。」




瘟：「死仔包，唔好玩嘢得唔得呀？想點啫。」
我：「N，P，N，T。」
瘟：「NP…NT？乜意思嚟，你知唔知？」
德：「唔知喎…可能同啲細有代溝。」
我：「No photo no talk呀，相定老母？」
瘟：「哎呀，咁啲相…又唔係我影…你覺得點？」
德：「我實無嘢㗎，重有個零月都讀完書，不過如果佢流出去搞到我，我都係賴你㗎咋。」
瘟：「咁張相…其實又無乜特別嘅，喂，畀你收藏下都無乜問題，但唔該可唔可以唔再send畀其他人先？」睇嚟社長都係識做人嘅。
我：「既然大家都係欣賞窈窕淑女嘅君子嚟，當然一定知道行規嘅，正所謂事不過三，而家幅相啱啱好得三個人有，所以都重係好安全。」
瘟：「唉，怕咗你，咁我收到相之後再forward畀你啦，電話號碼幾多號呀？」




我：「欸…等等先，想請問德爺係咪會send原圖㗎？我怕啲app會壓到啲圖爛晒喎。」
德：「你又唔使咁驚，我都係專業嘅，知道你哋想要啲乜，唔會壓到打晒格嚟玩你哋，放心啦，我original zip完send畀你，等你哋原汁原味J落個肚臍度呀下。」
瘟：「喂喂喂，無話要攞嚟J囉，欣賞下啫。」
德：「得喇，你鍾意啦，唔探討你點用。」
我：「請問我可唔可以要多一張相呀？」
德：「死靚仔咁多要求㗎…邊個呀，一張㗎咋…」
我：「頭先個女仔嘅friend，好長頭髮嗰個。」
德：「呢個？無乜特別咋喎…咁我send埋畀瘟神啦，你哋自己搞掂佢，我要繼續影相喇。」
瘟：「乜你影仔都咁神心嘅咩？」
德：「我正職係幫學校影相㗎！影女只係副業嚟，唔好阻住我，陣間我重要去影啦啦隊練習。」




然後德爺就唔鬼理我哋兩個走咗去，我畀咗電話號碼社長等收貨。
瘟：「記住聽日要準時報到上場呀，拜託晒你。」
我：「No problem啦！收得好處實做足101%！」
社長繼續佢嘅忙碌，而我就返去雨天操場繼續睇啦啦隊，不過得返自己一個其實無乜好睇，係頭嗰幾分鐘先過癮啫，所以我就…
我：『Queenie，妳返屋企未㗎？』
Q：『我離開咗學校啦，擺脫埋佢兩個就返上去。』
我：『咁就好喇，我都差唔多返去，屋企等啦。』
呢種對話，唔知點解硬係覺得怪怪地。
Q：『蠱蠱惑惑咁…係呀，記得攞PE衫返屋企。』
我：『嘩！仆街！好彩妳提我，即刻衝上課室攞！』
Q：『…』外加三個爆嬲emoji。
攞完PE衫，我都係時候起錨，對唔住Bubble姐姐，唔可以再留喺度欣賞妳豐滿嘅身軀，對我嚟講都係右女神緊要啲，而家重有嘢等住我去做。