為了實現媽媽遺願，我成為了女兒國唐僧: 309

A：「唔使呀，無興趣攪你呢個又煩又衰十一嘅死靚仔。」
我：「我知錯㗎喇，以後都唔會再衰…咁Angel妳有無搞到人哋衰十一呀？」
A：「無喎，我同初戀最後都無做…咁用口用手用條J喺出面磨應該唔算性交掛…」
我：「咁妳都忍到，真係幾好嘢㗎喎。」
A：「唔係吖，嗰陣心態問題，條仔一攞住條硬咗嘅嘢衝埋嚟就怕咗佢，會好想推開佢，求祈用手盡快幫佢射清晒就算，而家諗返都覺得好低B。」
我：「都啱嘅，等佢唔使衰十一。」
A：「嘥氣啦，佢轉個頭就衰咗畀第二個女同學，嗰陣我都後悔咗一日，咁大把囉。」
我：「呢啲衰人嚟，由得佢走啦。」
A：「到之後中四夾band，我嗰陣已經差唔多十六歲，第一次…嗰晚就係佢哋同我慶祝第二日生日，所以嚴格嚟講呢，呢兩條契弟都唔可以話衰十一。」佢一路講又㧻下自己對波波。
我：「咁第一次…其實係邊個？」


A：「其實我都唔知。」
我唔知點覆佢好，靜咗一陣。
A：「無所謂啦，邊個都一樣啫，永遠都唔會見返…兩個死kai子，又話會對我好，又話會補償我，又話只要大家一齊舒服就得。」
我：「咁妳都肯由得佢哋嘅？」
A：「嗰陣兩個都有女㗎，點鬼知兩邊為咗我一齊炒大鑊，我諗劈嘅話係佢哋條女，或者條女嘅契哥劈我先嘅機會大啲。」
我：「真係…夠晒貴圈真亂，好想入去體驗下。」
A：「唔好呀，當故事聽就過癮嘅，入到去，隨時搞到自己一鑊泡，有女屌都回唔返本呀。」
我：「講下啫，我都係想做乖小朋友。」
之後我哋無再講嘢，一齊肩並肩咁陪佢行返屋企；我唔敢拖Angel姐姐隻手，唔係怕佢唔鍾意，而係我無嘢可以畀到佢，就算可以一齊玩下，我諗呢個都唔係佢真正需要嘅嘢。
A：「我到喇，你係咪想跟埋上嚟畀我強姦先安樂？」Angel喺棟公屋大閘前同我講。


我：「呀…唔係，邊有咁諗呢，同埋妳屋企唔係有人㗎咩？」斷估佢唔會大模斯樣到喺阿媽同細佬妹面前捉個男仔返屋企扑嘢掛？
A：「乜你唔知，色魔通常都係喺後樓梯落手嘅咩？」姐姐露出狡猾嘅笑容，呢一幕有啲似Carmen望住我擲骰仔擲到六嗰陣咁…
我：「嘩…『巧京京』呀，咁色魔姐姐返屋企啦，我送到嚟呢度就夠。」
A：「你個死細路，以後，永遠，絕對唔會同你做愛呀！」
我：「啱呀，做乜無端端就做愛呢，呢啲嘢太濫唔係咁好㗎，係咪…」
我未講完，Angel捉住咗我塊面嘴咗埋嚟。