為了實現媽媽遺願，我成為了女兒國唐僧: 287

年初一嘅午餐好豐富，有煎蘿蔔糕，一碟雜錦燒臘，一碟濕餸，即係發財好市重有炆斑球，一碟乾燒，即係金沙骨椒鹽鮮魷重有大明蝦，一餐食唔晒今晚重有得食，由於我唔慣淨食餸，所以琴晚我私自潷多盒飯返嚟添。
Q：「咦，有隻鮑魚仔添喎。」
聽到佢呢句，我第一時間諗起佢身體嗰隻先…
我：「係咪好矜貴，妳食咗佢囉。」
Q：「有幾貴喎，大陸罐頭鮑好平㗎咋，一隻都係十蚊八蚊到，你食啦。」
我：「嗯，係呀，使唔使我平時買啲畀妳食。」
Q：「唔使喇，大陸嘅驚有重金屬，我食開澳洲墨西哥野生一罐一隻嗰啲，無咁平。」
果然係有錢女唔貴唔食，於是我就一啖將隻鮑魚仔放入口度（口趙），嗯，同食魷魚都無乜分別啫，鮑魚呢家嘢，要食梗係食女人身上嗰隻啦。
食完飯，返咗四日工，庸懶嘅我攤喺張床度準備瞓晏覺之際…
Q：「咪瞓呀！一齊做功課喇。」




我：「春天不是讀書天…年初一有乜理由做功課㗎，今日係安息日嚟。」
Q：「我理得你年初幾呀，過兩日你又要返工，到時又話無心情做功課㗎喇，你又唔使拜年，唔準咁懶呀！」
我：「喂！知喇！咪㧻我條腰…」
做功課咪做功課囉，好叻咩…咁其實我學校啲功課又唔係話好多，計埋之前嗰啲已經做咗大半，剩返嘅係最唔想做嘅中英作文，讀書報告，同埋西史自主研習；對學生嚟講做功課唔係最慘，最慘係剩返幾樣最唔想做嘅功課日日對住唔知點好。
我：「Queenie呀，不如妳幫我作文吖？」
Q：「做乜要我幫你作埋咁懶呀？唔準咁呀！」
我：「咁我唔識嘛，諗唔到作乜腦閉塞好痛苦。」
Q：「而家乜年代呀，上網打幾粒關鍵字已經搵到大把文章參考啦，左搬右砌已經搞掂。」
我：「既然咁簡單不如就妳幫我砌一篇啦。」
Q：「你畀個理由我點解要幫你。」




我：「我好歹有份養妳，幫下我都好應該吖。」
QQ聽到我咁講頓時語塞了，嘻嘻，睇嚟佢今次無得反駁喇，話晒我每個禮拜都貢獻咗八九粒鐘工時畀佢，而且又要煮飯畀佢食同幫佢洗衫；雖然呢，我唔敢叫佢幫我做啲更加過份嘅嘢，但做功課呢，我都係開到口嘅。
Q：「嗱，我寫個大綱同埋段落大意畀你㗎咋，唔會寫晒出嚟畀你逐粒字抄，如果唔係你乜都唔識，我唔想害咗你俾你媽咪鬧呀。」
我：「妳咁惜我媽咪又點會鬧妳喎。」
Q：「唔好廢話喇，咁你都有嘢要幫返我。」
我：「嗯？有乜嘢要幫妳呀？」
Q：「我啲胳肋底毛又開始生出嚟喇…」