為了實現媽媽遺願，我成為了女兒國唐僧: 285

我：「數字呢啲就無乜意思嘅啫，唔通細個嗰陣柴娃娃認做你女朋友就真係女朋友咩…要計嘅話，大概係前年年尾嗰時識咗個姐姐，而且過咗一排婆婆身體唔好就返咗去同舅父住。」
A：「姐姐？！咁開心！」
我：「係呀，都真係好開心…」
A：「咪吊我癮啦，有幾開心啫。」
我：「吓…好露骨㗎喎，我驚妳話我性騷擾…」
A：「咪玩啦，我都係姐姐嚟，有乜未聽過啫，你唔好諗住咁就大到我喎。」
我：「嗱，妳迫我㗎咋，跟住啲內容全部三級。」
A：「咁咪啱囉，我十八歲可以聽。」
我：「做好心理準備呀，呢個姐姐好唔簡單。」
吹大啲都好，等佢覺得我都唔係省油的燈；要計返嘅話，Angel重大過Carmen一年，所以要話聽唔聽得嘅都實在幾低B；但…Carmen真係唔係講笑，啲內容係唔止三級，絕對係四級有突，應該廿一禁比較合理。




當然我哋返工仍然係忙到爆，所以只可以斷斷續續咁講畀佢聽；結果呢，就係佢明明無飲酒，但就一路面紅耳赤咁serve酒畀啲客。
A：「乜話，要畀佢兜巴升你都非禮佢？」
我：「無乜嘢吖，剩係兜巴升又死唔去嘅。」
A：「你兩個真係好黐線…」
我：「唔係吖，畀條女冚幾巴就有得揸波，唔係好抵咩？重好過畀錢買啦。」
A：「你…都可以咁講嘅…」
我：「如果我非禮妳，妳會唔會兜巴升我？」
A：「吓…出於禮貌上都應該要嘅…無理由由得你亂咁嚟無反應，我無咁cheap。」
我：「咁會唔會報警？」
A：「唔會掛…搞大咗會好麻煩…」




我：「會唔會好唔開心，唔開心到喊？」
A：「唔會掛…俾人揸下又無乜嘢嘅…應該會想打死你個死仔包多啲。」
我：「咁妳打啦，我已經諗唔到理由唔去揸妳。」
我一路望住佢衫領入面條乳溝一路講。
A：「喂呀！…」佢塊面已經紅到飲咗半打咁。
我：「講下笑咋，返緊工㗎，唔好咁入戲啦。」
A：「咁你揸咗嗰位姐姐幾多下？」
我：「妳估下呢？」
A：「三五下都夠喇掛？」
我：「有得揸重點可以放手呢？」




A：「咁你塊面…」
我：「嗯，好痛…不過到個女仔打到你攰，佢就會開始惜返你。」
呢個時候Angel隻耳仔已經紅到出煙煲晒水咁…
A：「咁跟住呢？」
我：「跟住…妳要放工喇，十一點幾，我要清埋啲枱先，如果唔係我唔使指擬有得走。」
A：「㖿…你真係好鬼衰…搞到人放工轤轆轉。」
我：「嗯，乖啦，下次返工再繼續同妳講呀下。」
A：「當你應承咗㗎喇，唔準反口呀，如果唔係姐姐我嚟同你初三開年㗎喇。」
我：「初三赤口…唔好咁激動。」
A：「理得你吖，到時見。」
然之後Angel佢就換衫走人，同我say goodbye嗰陣佢塊面重係紅卟卟…死喇，一時興奮得滯本尊上身添，俾Carmen地獄式訓練過嘅我要應負呢啲姐姐簡直就係濕濕碎，要氹掂佢容乜易喎；如果唔係QQ喺屋企，我一定會繼續flirt落去，flirt到佢起水為止，然後同佢一齊放工拖佢返屋企玩…
我諗成功率起碼有六成以上。
可惜溝女並唔等於愛，玩完之後都唔會有感情，而我呢啲天份都用唔到落QQ度。
年三十晚團年飯雖然係有好多好多客，但個個都一家大細唔會賴死唔走，所以十一點半前已經散晒，剩返十幾張枱等我同埋另一個阿姐處理。