為了實現媽媽遺願，我成為了女兒國唐僧: 283

我：「其實我都差唔多要出門口喇。」
Q：「咁就換衫啦，你哋去邊度食呀？」
我：「我都唔知呀，約咗喺商場等，咁妳呢？」
Q：「同媽咪去食爐端焼。」
嗯，係咁㗎喇，佢哋呢啲屋企，團年飯都會食得特別啲，點會自己煮又或者同你迫酒樓吖，雖然都係得佢同媽咪兩個人食，睇嚟佢媽咪都唔鍾意食團年飯，係一個不孝女嚟，只係想見下自己個寶貝女啫。
當然我同QQ係前後腳出門口嘅，然後我搭巴士去到目的地個商場會合婆婆，舅父舅母；原來，我哋今日係食台灣嘢！都叫做中菜嘅，襯返團年飯呢個主題。我哋一人一碗牛肉麪，婆婆食唔到硬嘢所以係食牛筋麪，再嗌碟牛三寶，鹽酥雞，皮蛋豆腐，肉燥茄子，花枝丸，小香腸…我嘅飲品係珍珠朱古力，婆婆飲杞子桂圓紅棗茶，非常好，我哋重要五點九就入座所以唔使等唔使迫。
由於爛作者同我交代過今時今日啲小朋友九成都對團年飯無乜興趣，所以我就一切從簡，唔會節外生枝等個爛作者要喺呢啲位呃字數。
所以婆婆俾條牛筋哽親呢啲橋段係唔會出現嘅。
乜話？！你哋班死小孩話想睇爛作者表演呃字數？你哋係咪傻㗎？睇咁多字唔悶㗎咩？
哦…我知喇！你哋喺度幻想我有個戴眼鏡嘅學霸溝死女表哥，年紀輕輕已經偷偷中出即飛咗十二條女而且無一個事後有投訴。




又或者我有個啱啱學識打飛機嘅低能表契弟喺度煩㞗住我，影低自己打J啲片問我佢係咪又硬又長，指住嗰啲由個窿仔噴出嚟嘅體液問正唔正常，夠唔夠多同埋竭。
又或者有個無心向學嘅大波姣死仔表姐，就算喺父母面前都堅持要露條波溝出嚟，再肆無忌憚咁調戲佢表弟，即係我，審問我重係咪青頭仔。
又或者有個社會格差嘅孤癖表妹，一身visual punk裝扮，講嘢串串貢之餘重要超粗魯，著住短裙但又要戙高隻腳上張凳上面，成個彌海砂咁走光畀我睇露條黑色半透lace底褲出嚟，髀罅內側重紋咗隻蜘蛛加埋網喺度，再一面不屑咁望住我奸笑…屌！妳估我好想睇咩？！死表妹，妳知唔知妳表哥我喺屋企平時要睇乜就有乜？！
死…太入戲添…我屋企好平凡㗎咋，而我亦都只係一個普通人，所以以上的東西是並不存在的，而你哋都唔好再迫個爛作者喇；假如日後啲表姐表妹會再用到嘅話先再描述啦，呢篇文章絕對唔鼓吹近親乜乜嘅。
總之我就同佢哋開開心心咁食咗餐團年飯啦，然後同唔知表姐定表妹道別完之後就走人搭車返歸準備返工…吓？你問我點解同婆婆食團年飯而唔係嫲嫲？真係好煩嘅啫，嫲嫲過多廿幾章就會提到…