為了實現媽媽遺願，我成為了女兒國唐僧: 243

然後，我望住左手上面自己條底褲，望咗五秒…我雞雞頓時回復頹敗嘅原狀；嗯，都係乖乖去洗底褲先，我掉咗女神條底底落洗衣機，上面啲分泌物可以順便做衣物柔順劑；但我實在唔捨得直接掉自己嗰條入去污染女神啲衣物，所以我攞咗去廚房沖沖先再掉落洗衣機…
我望住自己條雞雞…你曳呀！邊個俾你整污糟女神隻腳板底㗎？QQ妳搞乜鬼…直接俾妳踩雞雞好正，其實妳係咪都想撩我玩？妳呢個唔知醜嘅女人…不過佢唔知醜都好正常，佢成日對住佢條仔條嘢㗎啦，有乜未見過喎。
到我沖完涼出嚟，QQ喺度食緊南陵金卷，我望一望個盒見到入面重有兩塊，我買咗半打即係佢又食多兩塊；都啱嘅，呢啲嘢趁新鮮食口感會好味好多，好在只係買咗半打，少吃多滋味吖嘛，其實只係我唔捨得買太多…於是我又坐低攞起一塊嚟食。
Q：「你係咪煩緊使咗好多錢呀？」
我諗乜果然係好難呃到佢。
我：「都唔係嘅，我過兩日又返工嘞，連返四日添，應該OK嘅。」
Q：「放心啦，係今日㗎咋，我平時會慳住使，如果你有乜嘢問題唔好收埋喺個心自己一個人煩呀，知唔知？如果有嘢就直接同我講啦，我哋一齊住㗎嘛，你已經幫咗我好多，有需要嘅話我會賣咗個手袋佢㗎喇。」
QQ捉住我隻手溫柔咁同我講，雙眼情深似海望住我，彷彿突然化身做一個賢良淑德嘅老婆咁；明明我就正正經經拍拖都未曾試過，如今卻好似有個老婆要等我照顧咁。
我：「嗯…我會。」
我捉返住QQ個膊頭，見到女神咁嘅樣…實在忍唔住，我好想狠狠咁將佢抱喺心口入面，大聲同佢講我好鍾意妳，以後都會照顧妳，再嘴落去惜個死去活來；可惜，我重係成口金卷。


「鈴鈴…鈴鈴…鈴…」
Q：「喂…嗯…啱啱返到屋企…無呀…同姐妹去南丫島囉…OK咁啦…下次咪同你去…」
Well，原來我係佢姐妹…好彩我滿口金卷制止咗我做傻事啫，都係冷靜啲好，就算佢係老婆，都係人哋嘅老婆，就算我唔係佢姐妹，頂多都係小三而已，千祈唔好做啲低能嘢搞到自己咁尷尬。
Q：「乜喎，聽朝咪有得見囉…嗯，知你惜我…係嘅，都好耐無乜嘢…嘻嘻，一放假又諗衰嘢。」
然後QQ離開咗我爬返上床，明顯地又係謦緊淫嘢，咁都正常嘅，放假心情係會輕鬆啲…
Q：「呀，聽朝咪有得畀你囉…咁心急嘅…」