為了實現媽媽遺願，我成為了女兒國唐僧: 146

煮完飯畀佢食，我又係差唔多時候準備返工。
我：「QQ…妳竟然開傳說嚟玩？」
Q：「無呀，星期日，睇下會唔會有人掛住Kuromi啫。」佢口中嘅人當然係傻仔健。
我：「就算佢掛住Kuromi都唔關妳事㗎。」
Q：「的確係唔關我事。」
我：「咁妳又咁神心online，唔通妳對佢…」
Q：「咪傻啦！只係…如果有人成日掛住自己，但又經常唔出現，我會有啲過意唔去啫。」
我：「妳真係善良…善良的魔女…」
Q：「乜喎！你未試過網戀咩？」
我：「呢層…我真係試過…」




Q：「係點㗎？講嚟聽下啦！」
我：「哎呀，我要落去準備開工喇，遲啲先啦。」
Q：「嗯，交叉仔畀心機！多謝你養我！」
呢個右女神真係，唉，點唔沉船吖…
今日係我第二日開工，心理上已經無咁緊張。落到去啱啱九點半，三四個阿姐喺度盡快幫啲啱啱走嘅客執枱，到咗九點九佢哋上埋廚房煮出嚟嘅最後一round菜就已經逐一入更衣衫換衫準備走人；我諗，佢哋應該會好鍾意我嘅嚟到，難得周末可以準時放工，佢哋會帶啲朝早買剩嘅點心返去同屋企人食，然後一路鬧一路幫個衰仔對功課，再趕個仔瞓覺同老公做啲唔方便俾仔仔發現嘅美好事情。
嗯，睇嚟我short咗，返工會使人麻木，呢啲阿姐按道理唔應該會成為我諗埋呢啲嘢嘅原因。
“QQ，我返嚟喇！”
“老公，今晚咁準時呀？”
“係呀，掛住妳吖嘛，唔通去偷食咩？”
“有得食我重要去偷食？”




“梗係唔使啦，食唔食芒果布甸呀？”
“嗯，人哋等緊你喂喇。”
“咁…點解妳唔係擘開嘴…而係擘開腳嘅？”
“老公…埋嚟食咗我下面塊布甸先啦…”
“嗯…好羞恥呀…嫩唔嫩滑㗎？”
“梗係嫩滑啦，入面啲淡奶滲埋出嚟喇。”
“但…呢塊唔係鮑魚嚟咩？”
“㖿，笑人嘅…老公過嚟我幫你瑤柱吖。”
…，救命…點解我可以一路執枱一路諗埋啲咁嘅嘢，再日日對住QQ我實遲早癲。
頭先經過廚房我專登望一望個雪櫃，好可惜今日係無賣剩芒果布甸，又或者已經俾啲阿姐或者廚房佬食晒；嗯，無辦法啦，都好嘅，唔使怕食肥QQ，唔知一個芒果布甸價值幾多下sit up呢。