為了實現媽媽遺願，我成為了女兒國唐僧: 136

我：「呢層我真係唔知。」
係嘅，我無可能要馬叔叔為咗幫我而犯勞工法例，酒樓同快餐店可能唔同計法。
之後佢攞咗部電話出嚟上網查童工嘅相關法例，其中一段佢畀咗我睇，睇完都係一頭霧水，段文字係咁撚樣嘅…
根據《僱傭條例》，如你年滿 15 歲但未滿 18 歲，便屬於「青年」。根據《僱傭條例》下的《僱用青年（工業）規例》，如你在工業經營受僱，便可享有以下權益：工作時間必須在每日上午7時至下午 7時之間，除非獲勞工處特別許可。
馬：「死人政府寫到一嚿嚿都唔知噏乜，其他工時嗰啲同休息日都無問題，係呢句唔知想點咁，關於青年勞工條例就得呢一段，咁喺酒樓七點後開工得唔得？」
我：「馬叔叔都睇唔明，咁我更加唔明啦。」
馬：「真係睇到搲頭…咁啦，我返去再研究下，交叉仔你畀個電話號碼我先。」
就喺咁，我帶住忐忑不安嘅心情行返上屋企，本來我重諗住如果有工返嘅話就即刻同QQ出去食餐好嘅慶祝下，睇嚟都係要等下先。
根據法例，我十五歲係青年，可以做嘢；但我未夠十六歲，又受獨留兒童在家法例保障；未夠十六歲，又會搞到人衰十一…咁我到底係兒童定青年？我老竇同我講過，香港好多法例係short㗎，你同佢認真你就輸。
希望我會收到馬叔叔嘅好消息啦。




到咗第二日星期六，QQ中午就出咗街同條仔拍拖，我已經慣咗亦都懶得去諗佢會同男朋友做啲乜，反正只要佢過得開心就好；而我就自己一個人留咗喺屋企上網繼續研究青年勞工條例，結果都係無乜進展，來來去去都係嗰幾句，係唔肯清楚話畀人聽青年究竟可以返啲乜工。
當然睇完正經嘢…就要睇啲更加正經嘅嘢，例如深田詠美同宮島芽衣啦，鬼叫我無女咩！上次經歷QQ之亂後又唔見咗幾百GB，就算唔用住都要補定貨㗎。
原來宮島芽衣同我哋都係00後，只係大我哋幾年咋喎，睇下睇下發覺宮島嘅style都係斯文可愛型，但又身藏胸器，好似同QQ佢有啲同type，不過QQ係長頭髮…唔理喇，有得用就用住先啦。
衰QQ…曳QQ…搞到男人衰十一，要罰！除褲！打屁股！擘開！…。
QQ…對唔住…係我無用…剩係識J妳…
興奮完之後我又繼續研究，喺討論區見到有人話快餐店做嘢唔受《僱用青年（工業）規例》規管，因為快餐店根本唔係工業嚟，所以成章僱用青年規例都唔使理，問題係…酒樓算唔算工業？我又見唔到有人講。
我好想即刻衝落去話畀馬叔叔聽我嘅發現，但我都係搵唔到一個準確嘅答案，網上啲人講嘢又未必可以盡信，諗諗下都係等多陣馬叔叔電話先，我應該要相信佢。
呢個死人頭宮島芽衣吖，點解我之前無發現佢嘅，純情得嚟個樣又鬼死咁曳，就好似QQ平時喺屋企要真空咁，可惡…呢套STARS三九七一開波佢著住校服跪喺度個樣真係勁QQ囉，重要淫笑咁…唔得，一定要down齊佢嘅collection。
結果獨留在家嘅青年唔見咗兩round減數分裂細胞…呼…
「鈴鈴…鈴…」




我：「喂…」
馬：「問咗行家喇，嗰段法例原來過晒時㗎喇，剩係畀工廠用㗎咋，而家重邊有後生仔去工廠開工先得㗎…」