為了實現媽媽遺願，我成為了女兒國唐僧: 122

跟住嘅戰況都無乜實況價值，打野同射手經濟領先下全局我哋都佔上風，十五分鐘之內就贏咗。
然後又返到去嗰五格匹配房入面。
健：『Kuromi妳打得好好啊，臨尾打水精妳個大開得恰到好處，我先可以如入無人之境射水精！』
真係頂你個肺，克里希入去放大都係削血加五花繚亂啫，我喺前面擋住三隻啲技外加幫你哋回血加盾唔讚下我？重有你個精字係咪專登打錯㗎，究竟係乜嘢一回事！
Q：『無嘅，我入去亂掟技咋嘛。：P』
健：『係呢，我上次send咗friend request畀妳㗎，係咪妳miss咗呀，重未add我嘅？』
Q：「佢都真係幾厚面皮㗎喎…喺你面前咁樣講，我點好意思唔add佢喎。」QQ面有難色咁講。
我：「妳鍾意啦，又唔關我事嘅。」
Q：『呀…我好少玩，一陣去睇睇啦。』
健：『咁我哋再開啦。』




跟住我哋一贏一輸，算係咁啦，由於我同QQ已經打咗五場，加埋場場我被迫做輔助或者上單有啲無癮，所以就想抖下。
我：『我哋玩咗好耐喇，不如下次再繼續啦。』
健：『好呀，靚女下次再帶妳呀下，記得add我喇。^__^』然後我哋就quit咗房。
我：「如果妳嫌佢煩可以block咗佢嘅，最多以後唔同我一齊玩都得。」
Q：「其實一齊玩我又無乜所謂嘅，係唔知佢諗乜啫…」QQ抿起個嘴心大心細咁，講真只係當佢係一個普通網友又無乜值得顧慮嘅。
我：「有乜好諗？咪女，床，啪啪啪，液體…」
Q：「喂！係咪你喺度以己度朋友咋？」
我：「邊會喎，我哋一齊住咗個幾月喇，妳到而家重係咁睇我真係令我好失望囉。」
Q：「得喇得喇，知你係不求回報，犧牲肉體為女人擋刀嘅英雄嚟喇。」
我：「又無咁誇張嘅。」俾佢咁樣一講我怕醜了。




Q：「如果係我有危險呢？你會唔會幫我擋刀？」
我：「梗係會啦，妳係我重要嘅朋友。」
Q：「如果要你斷咗隻手呢？」
吓…真係當咗我係楊過，妳係小龍女？