為了實現媽媽遺願，我成為了女兒國唐僧: Rh，Rhodium，銠，最貴常態物質，～500USD/g

我：「講價有無減呀…等下可能會特價呢。」
Q：「你當我係乜呀！」
我：「當妳喊包攞…點呀，無俾人蝦呀？」
Q：「無…好正常攞到錢。」
我：「總之以後唔準再掂喇，等我諗辦法啦。」
Q：「嗯，咁我哋食嘢先啦。」
佢擦一擦啲眼淚，然後捉住我隻手講。
我：「用妳皮肉錢換返嚟嘅，我食唔安樂喎。」
Q：「乜鬼皮肉錢呀！隔住衫摸兩下咋嘛…」
我：「女人賺錢真係易…」




Q：「重有五百蚊剩，你攞去買餸啦。」
我：「黐線㗎咩，我未窮到無錢買餸囉，妳留返嚟旁身啦…話時話妳都幾貴㗎喎，摸兩下就…」
佢買呢兩袋嘢保守估計已經四五百，再加多五百…即係買條底褲加摸兩嘢要成千銀？係咪short㗎，而家啲鹹濕仔咁有錢㗎咩，將啲錢攞嚟溝女重化算啦；好在我唔係女仔，如果唔係我都忍唔住賣埋一份。
Q：「唔矜貴喇，你有錢都可以摸…」
我：「咪玩啦！有錢都攞嚟買嘢食畀妳先啦，做乜要揸妳個波！」
Q：「多謝你，你對我真係好。」
女神又攬住咗我，我想講其實我個肚係感受到佢對波嘅，雖然個Bra硬硬地。
Q：「如果你好想揸，我可以唔收你錢嘅…」
我：「黐線啦，唔準講埋啲咁嘅嘢，好好珍惜自己…」
真係黐線，佢對波正到咁有得揸我都可以唔揸，睇嚟我都傻咗；Queenie攬到我實一實，我諗係我令到佢安心？佢係咪好信任我？




我…feel到好似有啲唔對路，呢種感覺…已經超越咗純粹因為我自己一個住而順便收留佢，唔單單止係對佢好，又或者係想對住個靚女…
我個心跳得越嚟越快，有一種動情嘅感覺，而且比起我以前嘅女朋友嚟得更強烈；死喇死喇，我唔可以沉船㗎，人哋已經有仔㗎喇，加上佢係品學兼優出身優良嘅女神，但我只係一個街童。