為了實現媽媽遺願，我成為了女兒國唐僧: 011111

佢隔住個袋一摸，好奇心驅使之下打開一睇。
係囉，點解會喺度嘅…
Queenie又點會攞住三罐肉丁去行街吖，俾姐妹睇到重得了嘅，所以佢就趁無人嘅時候塞咗落我袋，當然又唔可以俾同學見到。
健：「明明係Queenie同人換返嚟㗎…」
我：「係呀…係佢…」
死火，俾條茂里知道我同Queenie住重得了嘅！
健：「你買咗阿康張禮券重唔夠，要攞埋Queenie啲肉丁？！你使唔使咁呀…」
係喎，關一齊住乜事，真係作賊心虛添。
我：「乜喎，係Queenie佢唔要送畀我嘅。」
健：「吓，咁好人？不過又喺嘅，呢啲嘢佢邊用得著吖，況且三罐肉丁分分鐘唔夠佢飲杯茶貴啦，對佢嚟講都唔係嘢嚟嘅。」




我：「係呀，就係咁。」佢都幫我解釋埋。
健：「但又估唔到喎，佢竟然會咁好心同個女同學交換禮物，而且重要送埋畀你，以前嘅佢都唔係咁嘅，剩係識擺款。」
我：「可能大個女…要顧下形象掛。」
健：「不過佢又真係幾正嘅，可惜有男朋友。」
我：「呀，原來你都知。」
健：「問過佢男朋友學校啲人吖嘛，佢哋都話應該係，就算唔係都過從甚密啦…點呀，你坐咁近有無䚎到佢走光呀，啲胸圍底褲係咪好靚？」
估唔到條友仔咁八掛呢。
我：「無…無呀…咁近點䚎喎，俾佢發現咪勁樣衰，點知佢會唔會搵人打我…」
平時嘅我一定好自然咁將睇到嘅話佢知，但因為我已經乜都睇到晒，結果就口窒窒。
健：「有無咁驚青呀，好（火羅）皮喎，都唔似你嘅。」




我：「費事啦，坐隔籬成日對住，熟咗唔係幾好。」熟到我而家怕咗佢。
健：「有女神送肉丁畀你，大把傻仔恨都恨唔到。」
我：「唓，佢當垃圾塞畀我啫。」對唔住肉丁…
健：「你話如果佢送心口兩嚿肉話者下面塊肉不知幾咁好呢。」
我：「哎吔，唔好咁鹹濕啦，有乜可能喎。」
健：「唓，你就話乜都試過，我呢啲青頭仔咪唯有靠性幻想囉…」
喺我哋呢個年紀，身為一個屋邨仔又唔係有錢，樣貌唔係特別出眾，讀書又唔係叻，咁都可以有女朋友係一件好神奇嘅事，重要已經食過其實都幾威下；要知道其實好多喺學校所謂搵到女朋友嘅都係詐假意拍下拖，可能個女仔想搵人陪，可能係人有我有嘅心態，分分鐘掂都無得掂，只要一唔同班就會即散。
我又唔係話想威嘅，但總會有種自我良好嘅感覺；雖則細蚊唔係啲乜上等貨式，但女始終係女，就好似我雖然唔係揸BMW，但我起碼有㗎BMX，而你就乜都無…咁樣囉。
我：「好喇，我真係要返屋企喇。」
健：「神神化化，又少咗落嚟，都唔知搞乜鬼。」




我：「溫下書都要㗎…」
講真Queenie嚟咗係有嘅，每日十五分鐘咁囉。
健：「死人頭重要我搬你執棋…」
我：「唔該晒，bye bye你條尾。」