【重甜】好人難做，咁不如做個賤男: 六十九。上 溫習情色糜爛的生物科【重甜】

「你哋都到齊晒喇 ? 」思穎走向眾人。
 
阿朗瞧了瞧眾人，又道︰「係吖，齊晒喇 !」
 
「金田你做咩瞓喺地下度 ?」思穎微微彎下腰，宛若女神打救蒼生似的。
 
「呀……… 思穎女神呀，我俾老虎乸襲擊  ! 佢……… 」金田沒有把話說完，Cherry就重拳出擊，一下打在金田的背脊上。
 
「呀 !!!」
 


Cherry勾起思穎的胳膊「思穎，不如我哋上去你度啦 !」又回首冷眼的鄙視金田︰「 唔好理呢個白卡仔 !」
 
滿懷同情心的思穎又怎會放下金田︰「但係金田佢………」
 
突然，站在一旁，存在已化作空氣的美雪說道︰「思穎，金田都係交俾我啦 !」
 
然後，她就扶起金田。
 
眸眼裡，滿是關心與憐憫。這種情愫並不止於青梅竹馬，更像那種令人死去活來的感覺。
 


「美雪鍾意金田佢 ? 」Cherry不禁在心中暗道。
 
憑著多年收聽戀愛節目的經驗，她想，她的猜測是錯不了。
 
思穎見美雪已攙扶起金田，便道︰
 
「好啦，我哋上去喇 ! 」
 
「係呢 ! 阿朗點解你著呢件衫嘅 ?」
 


「冇，嗰位哥哥仔送嘅，就係你屋企前面附近………」
 
說著說著，他們穿過金碧輝煌的大堂，搭上豪華的升降機。
 
「叮 !」
 
一出去，就是一幅半落地的玻璃。站於玻璃前，便能俯瞰舊城的大街窄巷。建築的優勢賦予了一對天眼，儼如一部人肉閉路電視。
 
Cherry靠前，雙手觸摸起玻璃，回首問道︰「嘩，好靚呀，你平時一出𨋢就會見到呢啲靚景㗎喇 ?」
 
思穎微微笑道︰「係吖，不過日日都對住，都睇慣咗㗎喇 !」
 
阿朗也不禁上前，俯瞰下去︰「都真係幾靚嘅 !」
 
「你都睇慣咗㗎喇，仲靚啲咩喎 !」Cherry噘起小嘴，嘲諷起阿朗來。


 
阿朗聽得出，這句話語意深藏，於是斜睨了她一眼。
 
「嘩 ! 好惡呀 ! 思穎救我呀。」Cherry裝作無辜的撲向思穎懷裡。
 
「咩事 !?」思穎撫起她的頭問道。
 
Cherry雙眼冒起淚珠，用裝作哭腔說道︰「阿朗佢蝦我吖 !」
 
阿朗錯愕地喊道︰「吓 ?」
 
思穎一邊撫著她的頭，一邊怒視阿朗︰「阿朗，唔得咁㗎 ! 點可以蝦Cherry㗎 !」
 
「我冇喎 !」阿朗望向Cherry，只見她輕吐小舌，一副得戚的樣子。
 


「你…………」阿朗沒有把話說出口，但他已想好一會兒要怎樣報仇雪恨。
 
思穎偷偷地在Cherry輕聲說道︰「點 ? 配合成點先 ?」
 
Cherry輕舉手指公，以表讚賞。
 
此舉動被眼尖的阿朗注意到，他只好一笑置之。他心中又想，兩姊妹還真是兩姊妹呢 ! 雖她們沒任何血緣關係，但就真的很像兩姊妹 ………
 
金田拍了拍阿朗的肩膀，似同情又似感同身受的安慰道︰「喂 ! 唔好咁Sad啦，都係俾Cherry撚下啫 ! 你望吓我先，今日俾佢打咗咁多下 ! 」
 
「唔准搭我膊頭 !」忽然一把酷似張家輝的聲音，從阿朗口中吐出。
 
「好啦，唔好再講喇，我哋入去啦 ! 」思穎主動地邀請眾人進來。
 
當打開門的一刻，迎接他們的並不是內裡的豪華裝潢，而是那位令人聞風喪膽的美婦女。


 
「你哋好吖 ! 思穎嘅朋友 !」那位美婦女溫柔的微微笑道。
 
呃不是，是那位賤婦人才對………
 
「校長 !!!」除了阿朗之外，眾人異口同聲地喊道。
 
賤婦人捂起小嘴，不知醜的開玩笑道︰「呢度唔係學校，叫我思穎媽咪得㗎喇，或者可以叫我做Christina ! 」
 
「Christina……… 你知唔知醜㗎 ! 」當然阿朗並沒有把話說出，只暗地在心裡坦然道。
 
阿朗皺起雙眉，想不明白，為何思穎冒這樣大的風險，把校長是她母親的秘密說出來，不怕惹上麻煩嗎 ?
 
或許，阿朗此刻更在意的是金田的反應。
 


他瞧一瞧金田的臉色，不可說是灰掉，但只少有一沉。顯然，上了朋友母親的刺激，還真是不少呢 !
 
眾人開始向賤婦人報上名來︰
 
「思穎媽咪，你好吖，我係美雪 ! 平時都係多得佢照顧 !」
 
「哈哈哈 ! 我係……… 金田……… 你…… 好 !」
 
美雪的大方得體，從容平淡，更顯得金田心中有鬼。
 
「我係Cherry，思穎嘅好姊妹，上次陸運會嘅事唔好意思……… 」
 
Cherry不知為何向校長道歉。
 
賤婦人像個母親一樣，撫起Cherry的頭來︰「小事啦 ! 你為校爭光，多謝你都嚟唔切啦 !」
 
聽罷，阿朗只輕輕勾起嘴角，心中又想到，當初她把Cherry當作宣傳學校的工具，現在竟心口不一的款待Cherry。
 
他忍不住賤婦人的虛偽，更忍不住站了數分鐘仍卡在門前，選擇快快完結對話︰「唔好講咁多喇，不如入咗去先 ! 係咪吖 ? Aun ! tie !」
 
「係喎 ! 真係唔好意思喇 !  你哋入嚟先啦 !」賤婦人輕輕的盯了阿朗一眼，透過眼神和語氣，都足以看出她的怒意和不滿。
 
阿朗再抽擊道︰「咁就好喇 ! Aun! tie!」然後，他就率先踏入思穎的家門。
 
思穎靠攏賤婦人的身旁，鄭重地向她介紹道︰「係喇係喇，佢緊張得滯唔記得自我介紹，媽咪呢位係阿朗，之前你都見過㗎喇，佢係………」
 
「佢係 ?」美雪側頭問道。
 
「佢係 ?」金田也側頭問道。
 
「呃……… 佢係朋友囉 ! 係囉 ! 朋友 ! 哈哈哈哈…… 」不知為何，思穎支吾起來，仿佛有話說不出口來。
 
披上藍衣的阿朗見狀，走了回來，緊緊地牽上思穎的手，並舉得高高，誓要把這個消息弄重地公開於眾。他嚴肅的答道︰「Auntie ! 其實思穎係我嘅女朋友 ! 唔係啲咩朋友 !」
 
此刻的阿朗，似乎貫徹了「真誠磊落」。
 
「…………」
 
瞬間，眾人鴉雀無聲，氣氛變得極其尷尬。
 
過沒數秒，Cherry雙手捂臉，美雪瞪大雙眸，金田更是傻笑起來。