【重甜】好人難做，咁不如做個賤男: 四十四。中 地下街【本集推薦歌曲︰ 周國賢《地下街》】

兩人重修舊好後，如以往一樣，相約一起午時吃飯，唯一不同的是，阿朗也加入到她們的吃飯組合裡。
 
兩女一男的組合，在飯堂裡顯得分外耀眼。
 
長凳上兩名年輕貌美的少女，中間夾著一名平平無奇的少年，驟眼看來，恰似左擁右抱。左的是思穎，右的是Cherry，一個是人間胸器，另一個則是人間臀器。在旁人看到，不論是男是女，也想成為中間被夾著的那一個人。
 
兩男夾一女，是「嬲」字。現在他們兩女夾一男，看起來，更是「嫐」字，字典裡，嫐除了有發惱之意，它比嬲還多了一層意思， 就是嬌媚妖嬈。現在被兩名美女夾著的美境，還算不上嬌媚妖嬈嗎 ?
 
不幸地，一名不懂趣的少年打破了兩女一男的組合。
 


金田雙手拿著餐盤，隔著飯枱，在他們面前問道︰「咦，Cherry你隻腳好返曬喇? 」
 
Cherry微微仰起頭，瞥向金田答道︰「係吖，冇咩事了，行嗰陣都唔覺得痛。」然後用湯匙舀起一口飯，放進小嘴裡。
 
「咁就好，嗰陣見你跑跑下冧低咗，大家都以為你好嚴重，冇事就好。」金田自然的坐在Cherry對面的長凳上。
 
「係呢，你同阿朗係拍緊拖 ? 」金田突然問道。
 
「吓 ?」思穎本能地仰起頭。
 


「唔係問你吖，我係問緊Cherry。」金田指著Cherry說。
 
此刻，不只是 Cherry，阿朗和思穎也同時沉默不語起來，場面顯得非常尷尬。
 
金田有點匪夷所思，問︰「喂，你哋做咩擘大個口唔出聲 ?」
 
「食你個飯啦，問問問!」Cherry用力的踢了金田的小腿一下。
 
金田大叫了一聲，然後微微俯下身子，一隻手伸到飯枱下，揉起被踢的小腿，嘴裡亦不忘叨叨絮絮起來︰
 


「問吓啫，咁都唔得，都係關心你哋呢兩個好兄弟嘅感情狀況啫。」
 
「兄弟 ?」
 
Cherry二話不想，對著他另一條小腿，更大力的踢了一下，接著，呀的一聲，金田放下了湯匙，雙手伸到飯枱下。
 
金田搓揉著雙腿，說︰「痴線㗎，咁大力。」
 
Cherry邊吃邊答︰「下次唔好講嘢喇。」
 
「係囉，金田你又係嘅，亂咁講嘢 !」阿朗補刀說道。
 
金田解釋道︰「我冇亂講嘢喎，Cherry 冧低嗰陣，你發咗癲咁跑去佢度，之後又公主抱人，係人都以為你哋係情侶啦。」
 
「人哋覺得啫。」Cherry答道。


 
金田又問︰「咁你哋自己有冇嘢吖 ?」
 
他們兩人互望了對方一眼，本想回答之際，思穎突然為他們解釋道︰
 
「咁佢哋好好朋友啫，如果當時我喺現場，我都會發咗癲咁跑去佢度，唔通我同Cherry又係情侶咩 ?」
 
「但你哋係女喎。」
 
「咁我問阿朗你喇。」思穎扭頭望向阿朗，問︰「如果我冧低咗，你會唔會都好似Cherry冧低咁，發晒癲跑去我度，又抱起我吖 ?」
 
乍眼看來，這好像只是一條普通的問題，甚或只是為他們解釋以設的問題，但實質上，這是因思穎想確認自己在阿朗心中的地位，以衍生出來的，還有，她呷醋了。
 
「當然會啦 !」阿朗答道。
 


「係囉，咁唔通我哋又係情侶咩 ?  好明顯就唔係啦。」
 
思穎的回答，不只令金田答不出話來，也使阿朗心中萌起了疑問，畢竟在陸運會當天，思穎說到希望在開放日那天，將他們的關係公諸於世，然而她現在卻在這大好時機，選擇了隱瞞。
 
「唔好講喇，食飯先啦，總之我仍然係單身啦。」阿朗急忙地把話題終結。
 
「係囉，食飯先啦。」Cherry和思穎也跟著附和起來。
 
他們四人很快便吃完飯，因為阿朗要去飲品機買檸檬茶，而且一陣子還要上圖書館幫忙整理書籍，所以Cherry、思穎和金田先行回到班房。
 
阿朗走到飲品機前，按了數個按鈕，然後「嗶」的一聲，再「啪」，他蹲下身伸手拿出檸檬茶。
 
突然，一把不明的女聲說︰「嗯 …… 係咩 ?  之前見到你哋喺街角依偎喎。」
 
一名少女沒有預示的，站在阿朗的旁邊，手中還拿著只吃了一半的三文治。


 
「你係邊個 ?」阿朗對身旁突然出現的陌生人感到疑惑。
 
「你好，我係Cherry嘅朋友，叫談家瑜 ! 」她揮起另一隻手示意。
 
「你啱先講咩 ?  唔係好明。」阿朗一邊扭開樽蓋，一邊凝視著她問道。
 
談家瑜吃了一口三文治，又道︰
 
「冇，講番我見到嘅嘢，同埋啱啱聽到你同佢哋嘅對話，有啲感興趣啫。」
 
「你啱啱喺度嘅，咁點解而家先同我講?」
 
「因為踢爆咗你哋會冇戲睇，不論係Cherry，抑或係你隔離嘅女仔，我都唔想佢哋咁快走人。」
 


「你講緊乜嘢 ?」
 
談家瑜把最後一口的三文治吞進肚後，拍了拍了阿朗的肩頭，並在他耳邊暗道︰「你條撚都應該幾大，如果唔係又點會有咁多女人被你食住。」
 
語末，她暗笑了一聲，便頭也不回，揚長而去。
 
「奇奇怪怪。」阿朗心想。
 
他沒有把這人的話放上心，把整支檸檬茶喝光後，便按原照計劃上了圖書館。





未完待續…