《獅子山恩仇記》: 結局篇之二：以摯愛之名（２）
火速到場的人當然是亞娜，但是利景遙只是比她遲了一個身位，二人幾乎是同時間衝到了警署。
「景…」
「你收聲！！」利景遙喝我道，「我已經向高等法院申請左緊急人身保護令，費勝嵐，你唔可以隻手遮天，香港唔係你可以亂黎既地方！！」
「呃…費勝嵐唔係度。」坐在我對面的警員說。
的確是這樣，這兒是警察總部的其中一間會議室，我被了被手銬鎖在桌子的其中一支枱腳上外還算不錯，現場只有我和兩個警察在守著我。
「泰…泰思，點解會咁？！」亞娜急得快要哭出來了。
「唔使驚，泰思，我唔會俾呢班人送你返菲律賓！」景遙護住我說，「至少可以拖到高院對保護令既裁決出左黎先！」
我說：「景遙。」
「咩？佢地有冇打你？有冇跟足程序？你有冇講ｄ咩？」
「你真係好有大狀風範啦依加。」
相當起當日那個跌跌碰碰，手忙腳亂的利景遙，眼前的人無負律師之名。
「依加你就唔好講呢啲先啦！」
亞娜道：「景遙，銀行既法律團隊可以為你支援，你有咩需要就開聲。」
「多謝你，亞娜！」利景遙掏出電腦，「黎，我要你幫我簽名，泰思！」
腳步聲，費勝嵐。
「砰！」
大門打開，費勝嵐。
「唔使係度垂死掙扎，泰思！」他道，「犯左法就要負責任，殺人逃獄係大罪黎，我地香港唔會容納你呢種逃犯！」
兩個警察站起來看看他，也就是點頭哈腰：「你…好，費生…」
「出去！」
「係！」
房中只剩下我，亞娜，費勝嵐，利景遙。
「呼……」費勝嵐深而長的呼一口氣。
他身上的散發的氣場的確相當懾人，至少利景遙暫時也說不出話來，正在皺起眉頭思考應該說甚麼話，眼珠也左看右看的，這是代表正在尋找對策的無意識小動作。
「坐低，景遙。」
利景遙坐下，亞娜站在我旁邊搭著我肩膊，明明我們這邊是三人，有專業律師，萬能助理，獅子山伯爵，但是費勝嵐身上的氣勢一點也沒有被壓下。
對峙之間，空氣快要燃出火花。
「搞鳩我個女啊，泰思。」他老奸巨滑的瞪著我道，「你知我唔會放過你。」
「邊個要你放過。」但我也不是那些對他唯唯諾諾的哈巴狗，「再次係你個女殺人，關我撚事？」
「鄧泰思你知道自己做過咩好事黎！！」他砰一聲拍在桌上吼道。
「咁你唔問下自己當年對我做左咩黎！？」我吼回去。
「我做左咩都好，都係我自己既責任，你唔好拖埋我屋企人落水！！」
「你無拖我屋企人落水咩？！我坐監之後我阿媽過成咁你一定知！仲有郭老師啊！你咪撚扮！你明知佢過成咁你同梅黛琪做過啲咩呀！你對得住佢？！」
「唔好係度扯開話題！！我個女個時都未出世，你害埋佢，你係唔係人？！」
「你咪同我講咩禍不及家人，亞娜呢！佢細佬呢！」
「係你郁手在先！！」
「你郁手先我２０年！！」我最恨就是他，他還說得好像是受害者一樣！！
「咁你就衝我而黎！！係度搞小動作，搞我屋企人！！你算係咩男人！！」費勝嵐揪著我的衣領咆哮，「係！當年我害到你咁，你黎報仇我無野好講，但係你害我個女！？」
「終於認啦嘛！！認啦嘛你老母！本來黛琪係我老婆！！本來Fiora同柏費係我個仔！！你睇下你搞到我既人生點樣！！」
互相對質變成了互相對罵，但我就等了這一天廿年！
「本來？！本來黛琪就同我一齊！我運動，讀書都好過你！你憑咩啊鄧泰思！！」
「你就捨得我?」我裝作要親她，她輕輕避開。
「救命，骨都痺埋，當我錯啦兩位，我飲。」說罷勝嵐喝乾杯中酒。
「本來？！本來我係應該分到多過你既股份，我入職先過你！我職位高過你！！唐老板發雞盲竟然分你５％，我得３％？！」
我舉起紅酒杯，旁過弧形的玻璃壁凝視世界上的光影，看著每件事都被紅酒染成血紅，「依加黎講，我地都公司既股東，換算返港紙，大約每人有…」
我舉起五隻手指，旁過酒杯看著勝嵐與黛琪吃驚的表情。
「咁就係你毀我一生既理由？！你個白痴！！」
「我白痴？！你所謂既一生，你配咩！？」費勝嵐說，「你只係為本來唔屬於你既野報仇！！」
我和他又好像回到小時候。
但不同之處是我們這次吵架後不會在第二天又和好如處；梅黛琪來逗我們二人玩也好，我們也不會再次成為伙伴。
「梅黛琪本來都唔屬於你！！你只係執我舊鞋！！」
「啪！！」他一巴掌扇到我臉上。
「費勝嵐！！」早已被嚇呆的利景遙和亞娜驚叫。
「就算你係官我都可以告你傷人！」利景遙。
「你再郁手我就要制服你保護泰思啦！」亞娜。
「你兩個唔使郁！橫死掂死！我同呢條友都好耐無打過交！！」我咆吼。
「好啊黎呀！我唔會告你！你都告我唔入！！」費勝嵐咆吼。
手銬的另一端穿在枱腳，但這枱卻沒有鎖死在地上，我彎腰閃過一拳，把手銬往下拖，另一手捉住桌子向上一掀！
「砰！」
「嗚…」
桌子飛撞到費勝嵐臉上，鼻血直流！
巴頓術！
剎那之間，穿著西裝的我和他好像變回穿著校服的兩個臭小子一樣，拳來腳往，他還像小學雞一樣又是踩腳指又是撩陰腳，我也沒在跟他客氣，拳肘膝腳如雨下往他身上招呼！
當日遊艇會可以見到他能一邊垂在平台邊緣一邊移動，更能引體上升回來就知他有鍛鍊體能，果不其言他的體能在我之上，但我的技巧在他之上，一時之間我們打得難分難解，最後扭成一團摔到地上變成地面戰！
我鎖上了他，他鎖住了我！
「你地停手啦！」亞娜說。
「咪郁！」我說。
「今日唔係佢死就我亡！」費勝嵐說。
「我去搵人幫手！」利景遙就如當年的正義班長一樣！
「嘁…！」
我和費勝嵐互相推開對方，霍一下站起來，但眼睛還是瞪著對方不放。
「唔使啦，咪搞大件事。」我道。
已到門邊的利景遙說：「已經好大…」
「…鄧泰思，你知唔知我當年有幾寂寞。」他說，「我一向都係最叻個個，讀書，運動，你同黛琪一次都無贏過我，但係偏偏係你地兩個係埋左一齊。」
「咁你依加開心未？」我怒道，「對你黎講，將我呢個手下敗將排除，係咪好心安理得呀？！」
「……唔係。」他說。
「嗯？」
「見到黛琪個時日日咁唔開心，我就知做錯左，我先知自己真係愛佢…」他一邊拉好西裝一邊說，「但佢唔愛我…我寧願佢開開心心咁同你一齊。我以特首做目標，想用權力黎救你係無講大話，我真係想救你返黎。」
「廢話，你仲未同我講邊個話你知我既身份，如果唔係梅黛琪。」
「我自己查到，一開始我都唔信…但係獅子山伯爵佢又有錢又有型，對付唐老板心狠手辣，就同我想像中＂如果無坐監既鄧泰思＂一樣。」
小時和他捉迷藏沒有樂趣。
因為我們都能猜到對方會藏在那兒，並不是場地中最好的位置，而是因為太了解對方而猜到對方的思路，正如我一下就發現費柏榮藏大麻的位置一樣，因為費勝嵐同樣喜歡把厚書掏空藏物。
當年曾有人說我和費勝嵐是最佳拍檔，與當年很熱門的那套電影同名。
也有人說過以我的財力，費勝嵐的權力，加上我們的頭腦和默契，大概甚麼也能做到。
但正因為我們這樣，我們甚麼也做不到—除了解決掉對方。
「哼，都太遲…我地都老晒。」我說，「你犯下既錯，梅黛琪既就手旁觀，我唔會原諒，我落地獄都拉撚埋你地兩個！」
「好好享受你既菲律賓之旅啦！鄧泰思，單程既不過！唔錯都錯左，我唔會俾你返黎害我同害我既屋企人！」
「呢個就係我同你既分別呀，廢佬。」我喊出他當年的花名。
「廢…分咩別。」
「過往既經歷。」我怒道，「權力，權力…我黎問你，權力同財力，邊一方會勁Ｄ？」
他冷笑道：「係香港梗係權力，你以為個啲口號係真既？」
「無錯…係香港就係。」
「嗄？」
警員打開門：「嘩搞咩…呃，費先生，呢位係許寰戈先生。」
「許生？」
我高聲恥笑：「許生？！許寰戈係一個姓呀，白痴仔！」
「許寰戈…」他皺眉道，「莫非係…」
「無錯，菲律賓駐香港特使。」我冷笑，「你見你話要車我返菲律賓咁耐，我個樣有驚過？」
在菲律賓的逃獄過去，逃犯身份可是我的最大弱點。
特別是我的最大敵人是政府高官，我又怎會留下這能動搖自己存在的巨大破綻？
「黎遲左，唔好意思，達圖先生。」許寰戈說。
「唔緊要。」我道，「家母幾好嗎？」
「啊，你都識佢？佢精神唔錯，有心。」
「泰思…到底係咩事？」利景遙說。
「…都好，你將來這律師一定要明白：世界上唔係所有地方都係咁井然有序，各處鄉親各處例。」我說，「菲律賓美其名係行民主制，議會制，實際上菲律賓政治係所謂既家族政治。」
一提到「家族政治」，費勝嵐臉上一沉。
「所謂家族政治就係政府由唔同家族所控制，達圖，即係拿督，好似地方既首領，酋長，如果用歐洲黎講…」
我站起來走到費勝嵐面前：「就係伯爵。」
獅子山伯爵，可不是空有其名。
以２００７年為例，眾議員只有１１人是平民出身而當選，來自各大政治家族者佔了絕大多數，而參議院中更是全部由政治家族出任，這就是菲律賓的家族政治體制。只要與他們的家族打好關係，提供利益，自然就能得到他們的助力，別說是成為達圖，即使當年殺人逃獄…
「呢封信由菲方發出，可以證明鄧先生當年坐既係冤獄，已經清除左記錄，可以自由出入菲律賓，我地亦向鄧先生私下道過歉。」許寰戈亮出文件，「如果你有疑慮，可以向當局查詢。」
費勝嵐的臉色難看到極，即使表面上冷靜沒有像唐老板這樣好明白，透過眼神也看到他的焦慮。
「係一啲國家，權力可以沒收金錢；係一啲國家，金錢可以換取權力，唔可以一概而論，政治就係咁撲朔迷離，你習慣左香港既明刀明槍，唔記得唔同地方有自己既政治生態。」我冷笑，「當然，除非你既獄友，對當地政府有深入了解。」
利教授，謝謝你。
他離開香港後逃向菲律賓，自然有研究過當地的政治。
然後教給了我這個最後的學生。
「景遙，呢啲係你爸爸教我，依加我教返俾你，好好記住。」我柔聲地拍拍她臂膊。
費勝嵐樣子一臉難以致信，沒想到我在菲律賓不但不是逃犯，更加是貨真價實地如伯爵一樣的地位。他不準我離開，利景遙馬上開始計算拘留４８小時。他打出一個又一個電話，可以看到他的手下不斷傳來訊息，到最後甚至親自拿來的文件，證明沒可能把我引渡回菲律賓。
「呀費先生，我走得未呢咁？」我說。
「…放佢走。」費勝嵐咬牙切齒地說，「你咪使旨意有安樂日子過，鄧泰思！」
「大家咁話啦。」警察解開我的手銬，我站起來拍拍身上的西裝拿起手杖，「幫我向Fiora問好。」
「鄧泰思！！」
「亞娜，我地走。」
「係。」
亞娜牽起我的手與我離去，利景遙緊隨其後，離開房中傳出巨響，大概是費勝嵐在砸東西之類吧。
瘋狗。
「佢唔會告你…？頭先…」利景遙說。
「打架？唔會啦，佢咪自己講左。」
「你唔驚佢反口？」
「無用，佢知道我有你。」
利景遙臉上一紅。
亞娜臉上一沉。
我連忙解釋：「有你幫我打官司啦。」
就好像警察其實知道誰是黑社會老大吧，他們卻不去告那些老大違例泊車之類，除了因為警黑勾結外，是因為他們知道徒勞無功，也使自己行為幼稚可笑可憐，告不到甚麼三合會犯罪只能告告亂扔垃圾之類的。
Fiora不準保釋，應該說是費勝嵐故意不去保釋她，我還以為這樣能逼費勝嵐在眾目睽睽下使橫手救女，但是費勝嵐卻完全沒動手，反而更是多次呼籲有關當局要公正審判，絕不能為了自己的身份而放過Fiora。
很符合他的性格。
Fiora完全成為他青雲路上的阻礙，馬上被他排除了，如我當年一樣。
亞娜罵過我不理是誰，在我眼中只是復仇的棋子吧。
很不幸地，費勝嵐在這一點上和我一樣。
一星期後出現了我意料之外的訪客，應該說…我猜想過，但沒想到是真會來的人。
「費柏榮。」
又是那兩張沙發，我坐到書架的陰影下搭起雙手看著他。
「費勝嵐無警告過你?」
他說：「警咩…哦，有。」
「按佢既指控，我係害你家姐坐監既人。」
「係…你係黎向佢復仇，所以你害我家姐，害死別離公子。」他望向我，樣子是敢怒而不敢言，又恨我，又想我與他說話。
亞娜握緊了拳頭，準備保護我，剛剛她就很反對我給他進屋了。
「我係向費勝嵐復仇，至於後面兩個指控，我無野講。」我道，「我都唔在場。」
「之前…你帶我去咩船Ｐ，賭船都係想害我，向Daddy復仇?」
我擠出笑容：「當然唔係。」
當然是。
「我的確係好憎你Daddy，但係我無諗過害你，Fiora件事我唔知佢點解會妄想個D咩殺人滅口既劇情出黎，聽講好似索取緊精神科報告？」
「……」費柏榮看著我，眼神相當動搖。
這小子該不會真的是…
「唉，是但啦，我無咩選擇，再次我唔在意個咩別離公子，佢死左仲好。」他嘆一口氣道。
為甚麼他對別離公子這樣大敵意？
二人根本沒有甚麼牙齒印吧？
「搞咩，又差人錢？」
「個邊…仲還到啦。」
我心中大喜，果然呀！
解決了客家仔，不代表解決了費柏榮的賭博成癮問題，應該說不理是大麻還是賭博，他本身就是那種輕易上癮的體質。
甚麼是上癮？
有這種說法：上癮並不是因為某種化學成份，而是沒有與人連結。越戰時期，美軍服用海洛因，戰爭結束後，美國國內有人擔心這些癮君子回到本土會成為社會問題。
然而結果卻沒有，他們一回到朋友，家人之間後就自然不再依賴海洛因。
吸收化學成份，與人相處得到關愛同樣會帶來多巴胺，一種令人產生愉悅感的神經傳遞物質。當人們缺少了與親友的連結，便追求這些化學成份用作替代。
他其實是相當內向的性格吧，所以…感到孤單嗎？
我不確定自己在菲律賓那段日子，如果有人為我遞上一把白粉之類我會否堅持得住。
離題了。
「咁你唔係因為缺錢黎搵我，係為咩？」聽說費勝嵐為了阻止他沉迷賭博，給予了他更多零用錢，妄想他這樣就不會這樣搵快錢。
何等天真，費柏榮要的不是錢。
「……你有冇睇到我Daddy既語氣？」
「有。」
「佢根本唔在乎我家姐，佢…我求左佢一星期，佢點解唔救家姐？！我諗唔明，個個係佢個月女黎，係我家姐黎…」
亞娜心軟了：「柏榮，即使係費勝嵐，佢都有自己既理由…」
「我唔可以無左我家姐…我…真係…好鐘意佢…」費柏榮掩面道。
「嗄？」我與亞娜異口同聲地說。
雖說我早就猜到了，但這樣被兜口兜面說出來還是很震撼的。
「你意思係…」亞娜小心翼翼地問，同樣作為姐姐的她大概也很難接受吧。
「…就係…唔講都講左…我……我同佢算係…姊弟以上…」這小子只敢在手指隙之間看過來。
「姊弟以上。」亞娜沉聲說。
「Fiora？」我叩響她的門。
身後柏榮的門打開，走出來的卻是Fiora，她根本不在自己房間。
「莫非你地已經…」連我也感到有點衝擊了。
「…係啦…我地係…已經…咩過…」
難道說那時在遊艇上，柏榮始終沒有對那些美女出手，原因竟然是Fiora？！
那時別離公子在Fiora的派對上表白，難怪費柏榮的樣子這樣難看！
「嗯。」
但我沒有被激吻的二人奪去所有注意力—所以我看到了坐在船倉角落柏榮的表眼和眼神。
「咩過…」亞娜也好像被嚇傻了，「你意思係指…做…」
費柏榮點點頭。
收回前言，這傢伙有人和人之間的連結…物理層面。
而且，還是，自己，姐姐？！
「亞娜你唔會咩？」柏榮問，「我見你同你細佬感情咁好…我以為你地都…」
「正常姊弟唔會囉？！」亞娜傻眼，「你覺得咁係正常？！痴線架？！」
亞娜也很少這樣激動。
「……我都知唔正常，但我家姐佢…佢真係對我好好，佢又照顧我…佢知道左我隊草又唔同人講，仲勸我戒…細個我俾人恰都係佢幫我出頭，佢又靚，讀書又叻…對我好溫柔架…佢平時好似好惡咁，但佢對住我就唔同架啦…」
我不否認Fiora是個出色的美女。
但那是你姐姐啊？！
「死老野！！」他突然之間發瘋，「我求左佢一星期，求到口唇都乾埋，佢連幫家姐保釋都唔制！！咩謀殺無得保，收皮啦！！明明以佢既官位，開一句聲，法官都要俾面佢！！」
費柏榮發瘋的樣子和費勝嵐也是一模一樣。
「Well , 至少我地有共通敵人？」我望向他。
「無錯…我知你好憎佢，做左好多小動作，但係呢件事上，我地係同一陣線。」費柏榮本來不是這樣主動，積極的人，但是現在為了救自己所愛…也是他自己的姐姐，竟然連我這個滿是敵意的人也不怕。
真可怕，在自己利益之上，把異己排除，即使是自己父親也無情講。
這點，他學得不錯，真有費勝嵐的風格。
費勝嵐你看看你和梅黛琪生了甚麼垃圾出來？
基因，太可怕了。
「好一句同一陣線。」我說。
「我…呢啲時候，家姐一定好需要我，我要救佢。」
「救佢我無辦法保證。」我說，「始終我干涉法律程序既能力都唔高。」
不是甚麼地方也是菲律賓。
「……連你都無辦法…」
「但既然我地做唔到啲咩，至少可以為你家姐報仇。」我說，「而且你既債務問都可以得到解決。」
「解咩決？」
「你知唔知道上次遊艇會，費勝嵐跌斷左腳，佢仲差啲死左係個度？」
「知道。」費柏榮點點頭。
那時只要亞娜一揮刀，或是他摔重一點，他就會死在那兒。
恐怕費勝嵐一生不這樣接近過死亡吧。
初生之犢不怕死是正常的，人們在鬼門關前走過一圈後才會怕死。
所以在那次後。
「個次後，佢立左份遺囑。」我冷笑著向費柏榮說。
亞娜看著我的瞳孔中，流露出恐懼。