我嘅工作就係揀我鍾意嘅女仔拍拖: 殘忍的夕陽

「哇...好sweet喎你地，搞到我都好羨慕」訓係我心口嘅Rainbow講。
「喂喂喂～又話唔會呷醋」我捏一捏佢個鼻。
「冇呷喎～我話羨慕姐嘛~」
「明明就有..！你都快啲搵個好男人啦，再唔搵就真係老啦」我話。
「如果搵唔到嘅，咪自己一個囉」 佢好隨心咁講。
「自己一個好悶嫁喎」
「Why not？人生唔係淨係得愛情架嘛～同埋到時你都會係度嫁」佢對手攬一攬實我，對波壓唒落嚟。
「咁如果到時我有老婆呢？」
「我唔理～你識你老婆先定係識我先呀？」佢笑笑口問。
「咁到時你同我未來老婆解釋...，同佢講返呢句」




「你就想！我先唔會做醜人」
「得啦得啦～我真係結婚再算啦..」我有啲自嘲咁講。
「唔講呢個，咁最後到底係草泥馬定係駱駝姐？你都未講！」
「我唔記得啦...不過好似影咗張相..你等等」我拎起手機，㩒咗入去相簿度碌，連我自己都唔肯定咁多年前嘅相仲有冇係手機，。
「有啦..！」我拎張比佢睇。
「哈哈哈，明明就係駱駝..！痴線，點會係草泥馬」Rainbow話。

可能，Cherine同我睇嘅嘢本來就唔一樣

「係囉，我都話係駱駝」




「咁之後呢？之後點呀」Rainbow郁一郁個身，搵個舒服嘅位再趴係我心口。比佢咁郁一郁，搞到我細佬又有少少反應。我伸咗隻手摸佢好有線條嘅patpat，搓咗好幾下。
「喂也快啲講埋先啦..，講完先比你」佢話。
「但我而家想...」我繼續摸佢。
「唔得呀！講完先，我想聽呀」佢撥開我隻手。
「係啦係啦」我死死氣咁繼續。
「之後我地.....」

岩岩睇完張咖啡相，令我醒返起之後我去問咗個咖啡師，然後佢笑一笑同我講話係駱駝嚟。雖然我好似on9仔咁，但心入面都好開心，因為我贏多咗個再同佢出街嘅機會。
「...佢明明就係草泥馬...」佢越講越細聲。
「好..！咁佢係一隻似駱駝嘅草泥馬啦，好冇？」我笑一笑望住佢。




「哈哈，好」佢都知道自己錯咗，但我緊係讓下佢，氹下佢開心。
「你試下好唔好飲？」我望住杯咖啡話。
「嗯！」佢拎起杯咖啡慢慢放近佢嘴唇，然後飲咗一啖。佢望住我點一點頭，呢啲時候佢就成個細路女咁。不過我知道佢係真心鍾意飲咖啡，佢會因為飲咗一杯佢鍾意嘅咖啡而開心成日。我拎起杯咖啡慢慢放入口...，嗯，的確係幾好飲。
「你鍾意就好啦」我話。既然係我介紹嘅，好飲就緊係要出嚟拎credit。
「鍾意吖～下次可以再嚟」佢話。
「好呀～搵日囉～」我本身想講你想嚟幾多次我都會陪你，但太flirty..。
「可以呀！」佢話。

我地飲完杯咖啡再吹咗陣水就走咗，走嘅時候岩岩好五點。我提議可以去附近嘅石灘行下，佢話佢都可以。我將架車隨便泊咗係石灘附近嘅位，呢啲位應該唔會有人抄牌。我地落咗車，兩個人平排咁沿住石灘去行。外人睇嘅話，佢地應該會覺得我地係一對好浪漫嘅情侶。

望住個夕陽，就算我地兩個都冇嘢講但係都唔會尷尬。我搵咗個近海邊嘅石壆，想同佢一齊坐。
「想唔想坐呀？」我指一指石壆。
「好呀～」
「怕唔怕污糟呀..？」我有啲擔心佢驚。
「唔會呀～」佢講完就同我一齊坐咗係度。石壆隔離就已經係個海，聽住海浪聲拍打上石灘，我個心係呢一刻好舒服。我地兩個之間只係隔住一隻手掌嘅距離，默默咁靜靜地享受呢個氛圍。




「呀文阿」Cherine先開口講嘢。
「嗯？」
「你會唔會覺得夕陽好殘忍」佢問我。
「下？殘忍？」我比佢突如其來嘅問題問呆咗。
「係阿...」
「點解嘅？」我問。
「因為最靚嘅嗰一剎，好快就冇咗」佢望住個咸蛋黃講。
「咁...仲有聽日嘅夕陽嫁嘛。仲有後日，日日都有夕陽呀～」我話。佢冇覆我，只係淡淡咁笑一笑。然後我地兩個又再返去沉默嘅氛圍，望住夕陽西下。

「多謝你呀～今日我好開心」等夕陽差唔多落唒嘅時候Cherine 笑得好甜咁同我講，而我feel到佢係真心咁講。
「哈哈，我多謝你賞面出嚟就真」
「哇～咁講，乜我好難約咩？」佢話。
「又唔係嘅」
「傻仔...」佢行前咗幾步，細細聲咁講。
「下？」我聽得唔清楚。




「行快啲啦～好黑啦！」佢加快咗腳步向前。
「係～」我跟住佢嘅步伐。

-

「呀文，我希望你唔好後悔。但係如果可以比我再揀，或者我當初就唔會咁樣選擇。如果比我早啲遇到你，如果我唔係...。不過，而家嘅我，已經好難返轉頭..。我要為自己嘅選擇付出代價」 - Cherine

你不知道我為什麼狠下心
盤旋在你看不見的高空裡
多的是 你不知道的事