我繼承了十億遺產: 後記

<我繼承了十億遺產>終於寫完及修改好結局，雖然很多看了結局後的朋友表示不是很完尾，但這篇只是主角張志文故事的完結，而之後還會有延續篇，但至於主角會否是王子健，我還在考慮當中。

在<十億>連載完後，前傳將會開始動筆，而前傳的主角將會是王子健。

其實呢篇故係我第二篇完文既故，雖然之前曾經寫過唔少故，但多數都係開左頭，之後就冇再寫落去。
⋯⋯
但係能夠寫得完兩篇故，我好想多謝高登的一眾巴打絲打，多得你地既支持，令我有動力去寫完，老實講，如果冇上高登出故，我都唔知仲會hea幾耐先能夠寫完一篇故。

雖然係高登出故，幾乎要每日更新(因為高登仔睇故的習慣)，出少一篇文可能又會比人鬧，但始終寫得太急，真係好難去諗好d劇情，而且呢篇算係「推理」故，所以每次落筆都要諗好耐，所以我自都好慶幸係無乜比人鬧既情況下寫完。





有過兩篇係高登出故既經驗，我知道下一篇應該要寫定多d存稿黎以防萬一，不過我自問係一個幾心急既人，有時寫好左故，好想即刻俾人睇，所以高登裡的結局比較急左少少，雖然FB個結局加多左少少，或者仲會有人覺得還不夠，不過暫時對我黎講算係滿意。

廢話講到呢到，最後想再一次多謝一直追看呢篇故的朋友，多謝你地一直支持。

下一篇故，我會寫得更好，希望到時繼續支持。