果晩我系ig follow左個女仔,禁極都unfollow唔翻: 01 事源

王軒係一個中六學生，成績一般，因為佢並冇諗住好似其他人咁，考上心儀的大學。佢只係想畢業之後搵份工做，乜工都好，總之就過得一日得日。

正因為咁，佢父母都唔想再理佢，覺得佢就係一個廢青，所以王軒自己用打工返黎的錢，租左間屋，諗住自己一個人搬出去住，唔洗日日放工望到佢地，又要被佢地話餐死。佢靠每日放學後，去一間日式高級料理餐廳打工，下午3:45打到凌晨1:00，先勉強支付平日開支。

咁當然啦，香港人多地少，咁少人工可以租到乜房，都唔難估，先講下佢間屋，面積20平方米，勉強可以住到一個人，廁所同將床好近，好多野都要放地下，類似板間房，但又唔完全係。因為佢住4F，而成棟樓冇4F，所以佢住的屋有點係閣樓的概念。肯定有人會話，住閣樓陰氣重，風水差，但王軒都會一副不為所以的笑說：「你唔好痴線啦，有得住就偷笑啦，鬼喎？on9先信既野。」

於是，王軒係間屋由中四住到中六，已經有差唔多兩年多。佢表示自己，完全冇遇過一件同鬼有關的事。

甚至佢女朋友，每次上佢屋企，本來驚到連房門都唔夠膽入去，係王軒的苦口婆心下，都已經可以一個人出入自如間屋。





係喎，提返先，佢女朋友叫阿敏，典型的乖乖女，同王軒係工作地方識，兩個人認識耐左，又啱傾同一様價值觀，就系王軒的一次表白，令阿敏對佢有一種安全感，變成戀人。

點解會話兩個人都係一樣價值觀，因為阿敏都系住板間房，不過佢同阿媽住，阿爸死得早，只可以自己出黎做下Part time，幫保下生計。

王軒180cm高，體型高大，有一D肌肉，成個人有一種氣場。同只有156cm的阿敏形成一個極大對比，因此，阿敏先會鐘意上王軒，想要一直得唔到的依靠感。

雖然阿敏細粒，但系身材的線條感令人會忍唔住，攬住佢唔放，而且皮膚也很白，她的長髮帶有一陣香氣。王軒特別鍾意，攬住佢講D笑話，一手在她腰部的上下徘徊，一手撫摸她臉上的酒窩。

今晚係王軒的生日，6月6日。可惜的係星期四，所以王軒只可以約阿敏放工後，去自己間屋過30分鐘生日，因為1:40阿敏老母會返屋企，她要準時在母親回來前，澡好涼。





其實都冇咩，王軒諗住同阿敏呢晩休息，唔做一日，但系個經理話今晚一個人都唔走得，有老細黎考察，咁我同阿敏就只有返埋佢。

1:10 王軒同阿敏終於用快跑的速度，去到王軒屋企。

阿敏打開個個小型的朱古力蛋糕，發現蛋糕已經形狀扭曲：「唉，都話唔好跑架，依家變到一pat一pat。」

王軒彈了彈阿敏的額頭，不急不快的切開蛋糕，把其中一小件放入她口中。

「冇所謂啦，最緊要有你陪我，敏敏。」





阿敏見王軒的語氣，並沒有責怪佢，也拿起一件蛋糕放入他口中。

「你又黎啦。」阿敏雖說心中開心得很，但是難免還是掩蓋不了，臉部通紅，害羞的姿態毫無保留地，呈現在王軒眼前。

王軒身上充滿衝勁，雙手把阿敏的雙手牢牢的抓住，壓在床頭邊，身體慢慢靠近，他伸出舌頭在她的臉上，把所有忌廉用口水清乾淨，笑了一下就放開她。

「你做咩仲訓係度，想我今晚唔放你走？」 王軒大口大口的吃著蛋糕，生怕自己再看多一眼，就按奈不住。

阿敏整理一下頭髮，跌跌撞撞的走到房門，又看一下時間，連忙說：「軒，下次我再補償比你啦，我真系夠鐘走啦，Sorry」

「你話架，我聽日要黎一次，上一次仲係一個月前，我忍唔住啦。」

「得啦，我應承過你架，一個月一次，聽日我著果件sex d既衫，我真係要走啦。」

於是，阿敏臨走的時候，覺得自己好像對不住王軒，又吻上了他幾下，怱忙的走出房門。





由於阿敏的屋同王軒是同一棟，她住7樓，所以他們兩個見面才方便不少。

王軒去廁所洗了一下手，開下ig，睇下有咩推薦的用戶，佢見到其中一張相，個女人同一隻狗一齊影，影相的角色係低炒，所以影到個女人條腿好修長，而且白到跟阿敏一樣，王軒特別鐘意美腿，一時之間當左個女人係阿敏既佢，開始用左手瘋狂上下搖動，腦海中幻想自己係隻狗，終於一團白液噴在床上。王軒禁入個女人的個人主頁，拿拿聲禁follow,呢個令佢今晚可以得到解脫的女人。

王軒繼續往下loap, 發現這個女人d相有古怪，一共有30張相，都系呢個女人一個人既自拍或打卡相，loap到最底的三張相，系呢個女人，係一個燈光不足的地方自拍，樣系佢，但個身材係一個死肥婆，再加上個三張相，個女人笑容詭異，眼神望著鏡頭，有一陣寒意感，王軒覺得成件事太古怪，loap 返上去禁unfollow,禁左一次冇反應，再禁一次冇反應，佢以為冇網路，轉用流動數據，再禁都冇反應，王軒熄左個apps,再開返個女人的個人主頁，禁左幾下，仍然冇反應，正當佢燥底，諗住算數訓覺先，突然個女人send左個voice message。

王軒心諗又會咁啱？佢點入個inbox,未禁個message,一把女聲毫無活力的問：「Hi?I am watching you. Miss me?」

頓時間，王軒心知不妙，諗住重開部手機，以為只係手機系統問題，手機自己一秒間，變成全黑，王軒注視着全黑的屏幕，見自己背後好似有隻手，一隻好大的手掌，正在左右搖擺，像是在打招呼。

他正想轉身...旁邊的廁所傳出水滴聲...

「滴..滴....滴.....」
（待續。。）