［為愛瘋狂］《自從同初戀分咗手之後我自甘墮落，不斷搵其他女人做愛》: 十七

和阿文約會，應該穿什麼好呢？我把衣櫃所有衣物拿出來，仔細分析哪一套最襯第一次約會。

「阿女？你換緊衫啊？」爸爸㪣我房門，今天公司只要他上半天班，可以休息。

「係呀，我約咗人呀！」

「果個男仔啊？」

我打開房門探頭而出，對著爸爸尷尬一笑。



「係呀，佢喺樓下等緊我。」

「哦...好啦玩得開心啲啦，我去瞓一陣先。」爸爸抿嘴笑笑。

小背心熱褲？不，胸前太暴露了，再大一點連事業線都會突出來。這套衣服要阿文以後準許我穿才可以。

米妮圖案的T恤配格仔短裙？可愛風好像不太流行，而且我這兩天都以比較正經的態度面對阿文，會有衝突。

有那一套衣著才好呢？
我換一套衣服，再穿上一套新的，在鏡子面前思考，脫下，再循環。



哈哈，他堅決要約我出來，焦急到想過五關斬六將的畫面深切刻印在我腦裏。

不知不覺過了半個小時...

啊！遲大到了！
我最後換回校服，不弄那麼多主意，頭髮也未梳就快快下樓，阿文已經悶得來回踱步。

「唔好意思呀，頭先有啲事。」



「唔緊要，行啦。」

在輕鐵上，我留意到阿文盯著我。

「做咩成日望住我啊。」我問。

「妳個髮型亂咗咁多嘅。」他捉起我飄在空中的頭髮絲。

「喂呀，做咩搞我啲頭髮喎。」

「幫妳整返好呀嘛。」他順便整埋我翹起的衣領。

好細心...

回到家後，爸爸竟然煮好了晚飯等我，穿起圍裙的樣子彷彿年輕了十年。


「返嚟啦？洗手食晚餐啦。」

「係～」

煎雞翼、鮮魚湯、炆節瓜，都是我的最愛。

「原來爸爸你咁叻，咩都識煮。」

「都係妳阿媽教我㗎，佢以前話如果佢有一日唔喺度都要有人煮妳最鍾意食嘅餸。」

是嗎？媽媽只顧家人都忘了愛惜自己...

「好好味啊。」

「今日同個男仔出街出成點啊。」



說到阿文，我將今天發生的事一口氣說出來。

「一講起個男仔妳就特別開心，自從妳阿媽走咗之後妳好耐冇試過咁樣。」

想想也是，遇到阿文除了哭與悲傷我想不到有第二種情感。

「搵一個錫妳嘅人好難㗎，真係鍾意嘅話就要好好珍惜。」爸爸捏一下我臉蛋，說得要把女兒嫁出去似的。

「知道啦。」我往他臉上親一口。