［為愛瘋狂］《自從同初戀分咗手之後我自甘墮落，不斷搵其他女人做愛》: 十一

「阿文，你呢排成日以為唔同我哋放學，搞乜鬼啊。」David仔、張任和黃家輝一同質問我。

「我...要...努力讀書。」這三個月以來我們都小心謹慎，沒有被人發現過，可惜是有一種不太自然，在偷偷摸摸的感覺。如果閑言閒語不是人類的本性我和子愉就可以光明正大來往。

「扮乜撚吖你，你邊似啲咁快溫書嘅人，返到屋企又唔同我打機，一定去咗媾女！」他們一致贊同David的說法，幾雙眼仇視著我。

「冇呀！你哋放過我啦！」我被質問得直冒冷汗。

「唔講我哋今日放學一定唔俾你走㗎啦！」



同樣在班房內子愉對著我苦笑一下，也不知道該如何處理，只怕白費子愉一番好意。

……
「最後佢哋有冇係咁逼你？」晚上我們如常講電話。

「我死都唔認，等到佢哋冇得唔返屋企就會停啦。」

「避得一時避唔到一世喎。」子愉說出憂慮。

「係呢，其實我都想問妳好耐。」



「你講啦。」

「妳會唔會介意我哋喺學校來往？無視其他人眼光，好似一對正常好朋友咁，我覺得成日偷偷摸摸好辛苦。」

「不如我哋聽朝返學再講？我想親口答你。」

「好，早唞。」

「嗯，你都係。」



每次都是妳勇敢踏出第一步，造就我們相愛的鑰匙。

那天是個特別的日子，我們都知道這不僅是朋友的一個證明，為了將來...

我整夜在猜度子愉答案，渡過一個漫漫長夜，尤其在見面前一個小時格外折磨，倒數著一分一秒。

難得在上學前有時間，我期望自己以筆直的校服去見子愉，所以拿熨斗熨平整套校服。

還有半個小時，我不斷調整領呔的角度，務求子愉知道我是認真的。

十五分鐘前，我一改平日吃早餐時慵懶的姿勢，挺直脊梁，一口接一口，不留一點麵包碎。出門前重新檢查自己一遍，確保不出任何外貌上的差錯。

髮型ok
校服perfect


嗯，可以出發。

走路時要挺起胸膛，自信表現。
希望待會有好結果。

子愉比我來更早，今天她臉上出現一個淡黑色的眼圈。
「子愉早晨。」

「阿文，我而家直接答你啦。」

「好妳講。」

這一刻來了...

我深吸一口寒氣，很自然地闔上眼。


就這樣靜待佳音...或者傷心。

「我一啲都唔介意，我等咗你咁問我好耐。」

「吓？妳...講真嘅？」

「係呀！我本身係顧及你驚你俾你啲朋友玩先咁講咋嘛，我自己唔會在意呢啲嘢。」

「咁我哋而家係...咩關係？」

「好朋友囉，應該話係唔洗偷偷摸摸嘅好朋友。」

「好嘢！」我繃緊的身心終於得以舒緩。

「以後喺學校我哋就可以大大方方講嘢啦，傻瓜。」