［為愛瘋狂］《自從同初戀分咗手之後我自甘墮落，不斷搵其他女人做愛》: 九

今夜約不到人，於是我答應David仔的邀請，動身前往一間新開的酒吧。

待我到達目的地時，張任、David仔、黃家輝，還有高成丞都在喝酒。

David 仔：「咁遲㗎。」

我：「啱啱收工啊嘛，你哋今晚唔洗交人咩？」

黃家輝：「唔洗啦，我哋專成約你敘舊。」



我：「專成？有事搵我咩？」

David仔：「係，同你傾下你近排。」

我：「我會有咩問題？」

張任：「你以為我哋乜都唔知咩？我個friend講曬俾我聽啦！分咗手之後淨係識得約炮屌女！你知唔知邱子愉見到會好心痛？你對得佢住咩？」

我：「咁你想點啊，都分咗手啦！」我沒想過他們會舊事重提，直接針對我弱點



「你條仆街！」張任一拳打在我臉上，心知自己理虧，任由他發洩對我的不滿。

「停啦！」其他人制止了張任。

「你哋睇吓佢！偷食嘅又係佢自暴自棄又係佢！」

我不發一言，站起來離開酒吧，回到冰冷的孤居。

沒有女人的體溫和呻吟聲，我回到那個處於冷靜期的自己。當初和子愉剛分開時我便利用性愛過程的快樂還有過後的疲勞麻醉自己，效果顯著。可是有些時候難免獨自一人，容易憶起往事。



我不斷以冰水洗臉 看著鏡中破爛不堪的自己。

我不配流淚，但今晚它執意在我眸裏打轉，洶湧而出。

張任說得對，我除了對不起子愉，更對不起張任。

單相思從來不比分手的痛苦弱

邱子愉
可以再給我一次機會？

……

「所以你讚我靚係真㗎？」我聽出子愉心情的高低起伏，今天下午的氣勢一次拿回來。



「梗係啦，嗰陣我都唔知妳偷聽緊，一定係真心話。」
我振振有詞道。

「算你啦，咁識氹人。」

「哼！我咁聰明點都有兩道散手啦！」

「真係唔讚得你喎，少少嘢都咁得戚。」

「咁到我問返妳轉頭！我哋全班邊個最靚仔！」

「好簡單啫，David囉。」

「吓？佢憑乜嘢啊？」



「想我讚你靚仔嘅話，咪變靚仔啲囉。」

子愉始終比我技高一籌
「我明明係最靚仔嘅！」

「係係係，我要瞓覺㗎啦，聽日七點半樓下等啦。」

子愉主動約我一同上學...
子愉主動約我一同上學...
子愉主動約我一同上學？

「係知道！我會準時㗎！」

「Good night啦傻瓜。」



時間一轉便是兩個月，我和子愉的關係沒有飛躍式的進展，但保持著不進不減的感情。

倒是子愉對著我時好像變了令一個人那樣，更活潑可愛，更歡快。

我們可以聊天的機會本就不多，在學校基本上不會有任何接觸，要等到放學後才能真正見上一面。

「淨係普通放學時間都五點啦，都冇乜時間去玩。」子愉不禁訴苦。

「冇計啦，得我哋學校係咁。」

「我哋今晚仲有好多功課要做啊。」

「唔緊要啦，有我陪妳傾電話啊嘛。」

「仲好講！上次你做做下瞓著咗啊。」



「咁IS嘢真係好難呀，完全唔識做。」

「我咪教緊你囉！又唔聽！」她一掌打落我肩膀上。

「嘻嘻，今晚一定唔會，放心放心。」

「罰你今晚唱歌俾我聽。」

「上次妳話我唱歌同我個樣一樣咁普通嘅。」

「可以進步㗎嘛！」

「係係係。」

曾幾何時，我也做盡可以令她開心的事，長大後卻失守承諾。子愉為我所做的事抵有付出，但收獲是零。

她累了
所以強逼自己抽離
正常不過的事