［為愛瘋狂］《自從同初戀分咗手之後我自甘墮落，不斷搵其他女人做愛》: 三

「啊唔好意思，坐咗你個位。」她察覺到我，慌忙離開我座位。

「冇所謂啦，不過點解妳要坐我個位嘅？」

「我想睇風景，而且有陽光照住我好溫暖，好有安全感。」

「哦...」我當刻未能理解她的想法。

「如果妳鍾意嘅話，可以任何空閑時後都可以坐，我唔介意㗎。」我說。



「真係？多謝。」她面露喜色。

「係呢，妳叫咩名？」

「邱子愉，你呢。」

「鍾瀚文。」

「係呀，鍾瀚文，多謝你。」



妳微微一笑，確實令我傾國傾城。

班𥚃不就存在這樣一個美女嗎？David仔。
不過我終於承認，班𥚃有一個心上人，勝過朋友數十倍。

...

放學時候，我和朋友們提起小息發生的事。

「又話我哋班冇靚女？佢咪幾好。」我說



「邱子愉靚女？你講笑咋...哈哈...笑死人咩...」眾人不約而同地看著我發話，捧腹大笑。

「係呀...有咩問題？」我看著他們疑惑的目光，不禁懷疑自己的審美標準，同時有點想為邱子愉抱不平。

「唔差嘅，但係冇你講到會流曬口水咁囉，E班婉晴先係女神嚟㗎嘛。邱子愉講嘢又冇乜聲氣又成日黑口黑面咁，你鍾意人咩？大個仔喎。」坐我旁邊的張任拍拍我膊頭，這樣說。

「痴線，我做咩鍾意佢啫。」我立刻否認。

「係至好講啊，唔係我哋一定笑到你仆街。」David笑得極度奸詐。

「好煩呀，返屋企先。」聽到他們這樣說，我不作理會，自行回家。

多走幾步，我發現原來邱子愉就在我斜前方，憑今天看到的側臉就可以認出來。



百看不厭

「邱子愉，妳去邊呀？」我上前問。

「我返屋企。」

「我都係喎！妳住邊到啊？」

「你屋企隔離嗰棟樓。」她伸手指一指。

「妳又知嘅？」我驚訝道。

「我好早就見過你，不過今年先同你同班。」

「係？咁我哋咪可以成日一齊返屋企。」我莫名覺得興奮。



「可以啊。」

短短十分鐘的路程，邱子愉很快到家了。

「係咁拜拜啦，邱子愉。」我揮手道別。

「你可以叫我做子愉，我冇所謂。」

「哦，咁聽日見啦子愉。」

「聽日見，仲有...多謝你讚我靚。」

說完這句話她便飛快地按下大廈密碼，頭也不回跑走。



我要探索妳更多，更多。

https://www.instagram.com/void_inheart/