那年夏日的初戀，美好又苦澀: 序

大家好，我叫周凱瑤Tracy，故事發生喺我讀緊F4嘅時候。
我平時都係該玩嘅就玩，該讀書就讀書嘅正常學生。有一班好朋友，有男有女。要介紹嘅重要角色有我最好嘅姊妹Emily同Hana，好兄弟俊豪同建宇，當然仲有佢，凌一軒。

大家應該都試過學生時期嘅戀愛，單純到只要你經過佢班房偷偷望到一眼就滿足，唔小心同佢有少少身體接觸就會臉都紅曬。不過通常可以做到一般人心裡面咁嘅存在，呢個人一定遠在天邊近在眼前，優秀到你會認為自己接觸唔到佢，但有時候又會有啲細微位會令你有無限幻想。

到我而家已經19歲，我諗返起都仲未知道當時個我係何德何能可以認識到那位他，做到朋友，更同佢發生一段情。

唔講咁多廢話，去故！