《嗰晚，女神竟然攻擊我嘅Coin Master村莊》: 村｜village

(…)
 
就這樣，我亦在她香水味道的氛圍下，一同入眠。
 
而數到下一次我能夠接觸到她身上的香水味，已是送機那一天。
 
「你不如瞓陣先喇，今朝咁早起身～」我對著坐在身旁的她說。
 
的確，今天她早就起床，再次點算了一次行李，然後就同家人外出食飯，作為離家兩個多月的告別。
 




「唔喇，陣間上機咪有得瞓囉～」
 
「我想陪多你一陣～」她說。
 
「咁好～」我說。
 
然後更是緊握她的左手，生怕下一刻的她就會離開，雖然那時距離機場還有一段很長的距離。
 
我們那天是特地預早到達機場，為的是爭取更多見面的時間。
 




「原來，你都幾多行李。」看著行李車上的三個大箱，我說。
 
「係啊～我啲Friend托我幫佢地買勁多嘢…」
 
「陣間實抽死我，都唔知點死出去搭車…」她說。
 
「吓，你一個人攞？」我問。
 
「係啊～」她說。
 




「佢唔係會嚟接你嘅咩？」我問。
 
「傻喇！」
 
「一開始或者會，但依家點會啊～」
 
「佢知我幾時返去都算好，唔好話接機～」她笑說。
 
她的自嘲，似乎在訴說著，她其實一早習慣了他對她的壞。
 
「咁你陣間，邊攞到咁多嘢？」我問。
 
「慣咗喇～」
 
「以前攞住四五袋都係咁走去搭車～」她笑說。




 
「…」當下的我不知該如何回應。
 
我和她很快就將行李寄艙，然後在機場四處遊走，手牽手。
 
「喂喂喂～」她拉著我走到一間滿佈公仔的商店。
 
「咩？」我疑問。
 
「好cute啊～」她拿著一個火腿攬枕看著我。
 
「係幾cute嘅～」我附和著她。
 
「你都唔係真心嘅！」
 




「你睇下，佢可以變頸枕，又可以變攬枕，勁實用囉～」
 
「重點係佢勁得意！」她說。
 
「買咗佢囉～」我說。
 
「多謝～」她說。
 
就這樣，她抱著那個剛買的火腿攬枕，慢慢和我走向離境的標示之下。
 
「我…」
 
「走喇～」她說。
 
「唔…」




 
「過到去落機打比我…」我說。
 
「知喇～」她答應。
 
「多謝你～」
 
「依一排嘅陪伴，同埋依一隻火腿～」她說。
 
我沒有說話，只是伸手擁抱著她，就當作是最後的告別。
 
她準備轉身走進那度玻璃牆以後，然後我想起一件事。
 
「嘉盈！」我說。
 




「做咩？」她再一次回頭看著我。
 
我慢慢的從袋中拿出那個在迪士尼買的火腿公仔，那天的她注目很久的那隻公仔。
 
「點解嘅？」她驚訝的說。
 
「嗰日見到你咁鍾意，咪買咗～」我說。
 
「多謝你～」說罷她輕輕親了我一口。
 
「等我！」這是她進去之前說的最後一句說話。
 
那時的我，感覺如同內心被挖空一樣。
 
「所以，你地嘅故事就係咁樣完咗？」坐在我對面的啊宜問。
 
對，又是啊宜，和她見面的時候距離嘉盈回到台灣已經接近兩個星期。
 
「我以為係…」我說。
 
「即係，你地重有聯絡？」啊宜問。
 
「有啊，每日都會Keep住Facetime同Massage…」我說。
 
啊宜露出一臉不置可否的神情。
 
「佢男朋友唔知嘅咩？」她問。
 
「等佢男朋友出咗去先喇梗係…」我說。
 
「你地真係好偷情Feel…」
 
「佢就好，有一個係香港嘅男朋友，一個係台灣嘅男朋友～」啊宜說。
 
我明白她所想的，但情感來得太過洶湧，一發不可收拾。
 
「又唔可以咁講嘅～」我說。
 
「軒哥，依家先十月，你重有排先見到佢喎…」啊宜說。
 
「都唔係…」我正想說下去時，手機卻彈出來嘉盈的訊息。
 
「喂，我訂咗後日返香港嘅機票喇，你係咪會嚟接我？」
 
 
你等他悔改 倒不過你鬆手放開
有一種固執 得不到喝彩
總擔任偉大角色 獻奉全部愛
寧願悉心灌溉 沒結果的錯愛
理想歸理想 得不到也等於妄想
原諒又原諒 她可有拍掌
諸多忍讓沒有獎 也沒誰人賣帳
難度你夠情長 某某亦會同樣
 
他不配做對象 可惜你太善良
他背叛你 偏你沒法 睜開眼看真相
馴服就似綿羊 相戀太善良大多打敗仗
受騙的那個 比騙徒更混帳
 
我可等你嗎 可等到你傷口結疤
我這種固執 不比你更差
好心地但運氣差 做壞人才耀眼
良善太過平凡 怕註定要陪跑
－你太善良

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！

P.S. 更新情況睇進度，應該會每日更新，除咗星期六日，聽日見！

另外，應該會加多幾篇先會完哂成個故～

同埋，星期六冇文！要去到下星期二啊！