《嗰晚，女神竟然攻擊我嘅Coin Master村莊》: T｜Master
(…)
只見她早就在車上睡著了，在我的肩膀上。
下車後，她沒有即時回家，而是和我在樓下慢步。
「你唔係上去先？」我問。
「冇咩嘢喇，啱啱瞓咗陣覺。」她說。
「你知唔知啱啱嚇死我…」我說。
「多謝你～」她說。
「吓？」我疑惑。
突然間，她轉身擁抱著我，這是我們第一次毫無距離的接觸。
「多謝你～」她再一次重覆那一句。
「痴線咩，講依啲～」我笑說。
「我好耐，都無試過咁開心喇～」
「或者係因為，依幾年，我同佢根本唔係拍緊拖…」她突然將心聲透露。
我沒有回應，只是將她抱得更緊。
「所以，真係多謝你，多謝你出現係我生命入面～」她緩緩的說。
「放心喇，我會一直係到～」我堅定的說。
「嘻嘻～」她又變回開朗的嘉盈。
那晚，我們在樓下耗了一個多小時。
人類是一種很神奇的動物，當知道事情有一個限期的時候，就會想盡辦法去珍惜。
也許是因為我們都知道這段不應存在的關係，即將迎來一個期限，所以我們都十分珍惜每一刻可以相處的時光。
回家後，我收到她傳來的短訊。
「返到去未啊🤣？」她問。
「啱啱到☺️多謝你」
「咁攰都陪我多一陣，同埋😝」我說。
「同埋咩先😏?」她問。
「同埋多謝有人冇喇喇攬住我囉🥳」我笑說。
「之前有人話想試下抱住我嘛😚見佢今日表現幾好，咪益吓佢囉😋」她亦笑說。
原來，她記得我所說的話。
「咁好表現，不如抱多幾晚🥳」我笑說。
「冇啊🤨貪心鬼😕」她說。
「吓😞但你就快要走喇🧐」我說。
的確，距離她要回到台灣，尚餘三星期。
「咁我會返嚟㗎嘛☺️不過唔知學校搞啲畢業手續要搞幾耐🤭」她說。
「不如我同你過去一齊整？」我問。
「做咩？信我唔過？🤣」她問。
「唔係☺️幫下手姐！」我笑說。
不過在我內心深處，其實是否真的如嘉盈所言…
「得喇😝我搞得掂！」她說。
那晚以後，我和她的關係又再走前多一步，只是每當想起她即將要要回到台灣的時候，心情就愈感不安。
「你個故仔，可以用嚟出故喇喎～」坐在我對面的啊宜笑說。
找朋友聊天，是我唯一想到可以排解現在心情的方法。
「頂你喇！」我說。
「反正佢係Coin Master到搵你，就叫你女神攻擊你嘅Coin Master村莊喇～」她笑說。
「改依啲名冇人睇㗎～」我笑說。
卻依然苦惱。
「唔串你喇～」啊宜說。
「唉，不過早幾日佢同我講，迪士尼嗰晚，我咪話送佢走嘅…」
「之後原來佢個Friend有問佢，話我其實係咪想同佢上床先對佢咁好…」
「咁你知喇，我唔係啲咁嘅人～」我說。
「你未咁做姐！」
「繼續～」啊宜笑說。
「頂你！」
「所以有時我都怕佢比啲Friend影響到～」我沒好氣的說。
「咁你有冇試過同佢講？」啊宜問。
「有啊，佢又好似冇咩嘢咁～」
「不過你明唔明我依家最大嘅困惑？」我問。
「你唔想佢返去，因為驚佢一見到佢男朋友就會心軟？」啊宜說。
「你可以咁講～」我說。
「我建議你直接搵佢傾～」啊宜說。
「吓…」我猶豫。
「冇咩好得過見面傾～」
「佢幾時要走話？」啊宜問。
「下星期一…」我說。
「傻咗咩，今日都星期五，再唔講，等佢走咗先講？」啊宜問。
「所以…」我問。
「你依家問佢係邊喇！」啊宜說。
半個小時，我坐的Uber在她家樓下停定，然後我立即下車搜索她的身影。
她就坐在附近的一個角落，靜靜的等待著我。
然後我走到她的身旁，坐下。
「做咩事咁急搵我？」嘉盈邊說邊將她的頭放在我的膊頭上。
「我有啲嘢，想同你講…」我說。
然後，我將心中的困惑，和盤托出。
「睇嚟你好唔想我走喎～」她說。
「係！」我肯定的回答。
她抬頭看著我。
「我有冇同你講過…」
「依段時間，同你一齊，我覺得搵返心跳嘅感覺…」
「因為我知道，你有好多嘢都唔敢逾越，係真係愛我嘅表現…」
「所以，你試吓信我一次？」
「等我用我嘅方法，證明比你睇，我都可以愛你～」嘉盈說得動人。
看著她醉人的眼神，那一晚，我們接吻了，伴隨著那數條滑落的淚水。
窗外風鈴 一直 不安靜
風在搖晃 不安 的宿命
我聆聽 你回憶經過 的聲音
開始旅行 寂寞 很清醒
我在靠近 過去 的邊境
有些 戀人只是 路過時的風景
曾經太過年輕 卻絕對真心
我給的愛始終任性
不懂花開只一次的愛情
曾經太過年輕 淚 純真透明
你的堅定 我仍然還相信
－曾經太年輕
歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！
P.S. 更新情況睇進度，應該會每日更新，除咗星期六日，星期一再見！