《嗰晚，女神竟然攻擊我嘅Coin Master村莊》: M｜Master

(…)
 
這一晚，我和她終於重疊在同一條的平衡線，只是這條線本來就出現在不應該出現的地方。
 
自從跨出那一條界線以後，我和她的相處便猶如一對熱戀中的小情侶。
 
「喂喂喂…」
 
「你等我一陣先，我唔見咗對耳環～」她說。
 


「你睇下係咪啱啱沖涼嗰陣跌咗？」我問。
 
「係喎！」她說罷便走進了浴室。
 
不要想多，我沒有出現在她的家中。
 
那是表白後的第三晚，我和她還是沒有出來見面，靠的依然是電話聯絡。
 
或許，我和她都不太懂得，如何面對這段關係。
 


「搵到喇！」電話傳來了她的聲音。
 
「你好叻啊，豬！」她說。
 
「你都好蠢啊！豬！」我說。
 
「頂你！又串我！」她說。
 
「冇啊，嘻嘻～」我說。
 


「後日出到嚟，你就知死！」她說。
 
「後日？後日咩事？」我好奇。
 
我的印象之中沒有嘉盈所說的行程。
 
「係喎，唔記得同你講！」
 
「尋日雅欣問我，問我後日去唔去Disney！」
 
「佢話想玩Halloween喎～」
 
「你知喇，我好驚依啲鬼㗎嘛！」
 
「陣間比人嚇親，一覺唔覺撲咗去人地到就唔好喇！」


 
「我怕有人會心痛喎～」她連珠炮發的說。
 
「得，幾點！邊到等？」我問。
 
雖然當時的我在想，迪士尼的Halloween好像沒有鬼屋，不過轉念一想，這也是一個讓我們見面的好機會。
 
「你唔係嚟接我先㗎？」她問。
 
「接！我意思係，幾點你嗰到等～」我笑說。
 
果然，我當時已有極強大的求生意識。
 
「哼，算你喇！」
 


「不過，雅欣唔知我地嘅嘢㗎！」她說。
 
「明喇！你唔係諗住我會做啲咩吓話？」我笑說。
 
「你知就好喇！你依個變態哥哥！」她亦笑說。
 
「係啊，嗰日同啲鬼一齊捉走你～」我恐嚇她。
 
「食屎！你今晚唔使諗住瞓！」
 
「你要等我瞓咗先可以瞓！」她說。
 
「吓…」我說。
 
「吓咩吓，依家陪我好委屈你咩？」


 
「男人就係咁㗎喇！得到咗就唔會識珍惜！」她說。
 
「我係話吓，陪得咁少，邊到夠！」我說。
 
現在回想起來，我也很佩服那時的急才。
 
然後，她噗哧一笑。
 
「算你喇～」
 
那天，我又再一次看到窗外的日出。
 
到了要去迪士尼的那天，我早在九點多已經出門，背著那袋要更換的衣服，朝著她的家中出發。
 


「我到喇，你行得未？」我問。
 
「未啊未啊！一係你上嚟先？」她說。
 
又回到最初的起點，只是今天的我，身份有點特殊。
 
「咁我唔客氣喇！」我笑說。
 
「食屎！你知幾多樓喇？」她問。
 
「唔記得！」我笑說。
 
「咁你唔好上嚟喇！」她說。
 
說實話，我怎會忘記她的地址。
 
就這樣，我又再一次出現在她家的木門前。
 
「入嚟喇？」她拉開門便說。
 
然後我就靜靜的，坐在梳發，看著她忙碌的在家中走動。
 
「我有冇咩要幫手？」我問。
 
「有，你幫我執哂枱面啲嘢入袋～」她在洗手間大叫出來。
 
「好喇～」我說。
 
然後剛好看到換好衣服的她，白色的露肩襯衫配上黑色短裙，把她修長的身段完美的展現出來。
 
我在想，那晚說對我有感覺的，真是眼前的這個女生嗎？
 
「咸濕仔，睇夠未？」她應該看到我的目光，然後說。
 
「未！」
 
「想再望多你一陣～」我笑說。
 
「…」她沒有回應。
 
我亦陸續將她枱上的物品放回袋中，不一會她便從房中走了出來。
 
「你跟我入嚟～」她說。
 
「吓？」我不以為然。
 
然後她便繞著我的右手，帶我進入她的房間。
 
「做咩？」我問。
 
「你話未睇夠嘛，咪比你睇到夠囉～」她笑說。
 
然後她指著牆上一面貼滿她的即影即有照片的水松板。
 
「我比你揀一張，攞走～」她說。
 
「我可唔可以要哂？」我問。
 
「唔可以！」
 
「淨係可以一張～」
 
「咁你就唔會係我返咗台灣之後，唔記得咗我個樣～」她說。
 
「我唔會…」我看著她。
 
然後我取下了其中一張照片，相中的她抱著那隻樹熊，笑得燦爛。
 
那時，我希望我可以令她天天都成為相中的她，這是我對自己暗許的承諾。
 
 
我最怕你問我 友好見面的經過
我最怕你講我 太多發問會太囉唆
密集地短訊
可有過火 每事關心不懶惰
麻煩或愛到太盡
必須要分清楚
 
那天我共你 勾手指尾
答應過會更愛你 抱緊你就有好天氣
洞悉兩心一意
才磨合完美
愛是了不起
要相處就要識得謙卑 我也會多花心機
去剖析雙方心理 甜蜜談道理
珍惜你
欣賞你
世界驟變都抱住你
 
－ 勾手指尾

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！

P.S. 更新情況睇進度，應該會每日更新，除咗星期六日，聽日見！