《嗰晚，女神竟然攻擊我嘅Coin Master村莊》: I｜Coin
(…)
對了，後天有什麼可以做呢？
為了解決這個惱人的問題，我決定詢問人類最好的朋友，Google。
最終，我決定還是隨意找一間看似好吃的餐廳吧，反正醉翁之意不在酒。
話說回來，到底他和她之後發生了什麼樣的事情？
在這個問題上我的確十分好奇，不過說實話，當下只是出於朋友上的關心和花生…
「所以，你地又要出多次街？」啊宜在電話的另一端問。
疑惑圍繞之下，我找了啊宜。
「係啊，咁佢未講完嘛。」我笑說。
「唔知點解，感覺上佢依賴你多咗，如果你啱啱同我講嘅嘢係冇加鹽加醋的話～」啊宜說。
我暗自開心了一下。
「頂你喇！咩加鹽加醋！」
「不過點解你會咁講嘅？我指依賴上～」我問。
「或者係因為佢有幾年唔係香港，好多係度嘅朋友都聚少離多，而你就係佢啱啱返咗香港嘅時候出現，加埋本身你地都係類似性格嘅人，變相佢咪依賴你多啲。」啊宜將她的分析說出。
「你咁講都啱嘅～」我若有所思的說。
「你以為我想講你地可能有機會？」啊宜笑說。
果然，她是少有的朋友可以一下子道出我潛意識的想法。
「都可以咁講，但依一刻，我暫時只係想同佢做朋友。」我說出極為理性的想法。
「你我都明，佢有男朋友…」啊宜說。
「啱啊，所以我都係諗吓咋～」我笑說。
「六年…你重未放得低？」
「不過你聽埋佢講個故事先喇！」
「我睇得出，佢重係好愛佢男朋友…」啊宜說。
然後…
「其實，你都係重係好愛你男朋友…」我向著坐在對面的嘉盈說。
對了，我引用了啊宜的評價。
時間一轉就到了後晚，嘉盈和我來到一早預訂好的餐廳，先是說著一些無聊的故事，後來就開始進入今晚的正題。嘉盈不斷的說著她男朋友的好處，所以我才會說出剛才的那一句。
「依個都係事實」
「但幾愛，都要面對現實。」嘉盈說。
「到底咩事姐？」我問。
「我上次咪講過，佢畢唔到業嘅？」
「佢其實之後打算讀埋今年，就去外國讀多個Master。」
「即係前後要用多三年時間。」
「而我屋企人就要我返香港，想我係到搵工同做嘢…」嘉盈說。
「你地好似慢慢進入Different pathway…」我說。
「你可以咁講，一嚟要同佢Long D，二嚟就係佢讀書我做嘢，大家嘅步伐會好唔一致。」
「再加埋，我同佢之間有啲嘢，係解決唔到…」
「又或者，佢都想分手好耐…」她說。
「吓？但佢嗰日先打比你問你係邊喎。」我疑惑。
「咪就係依啲位佢先會問。」
「即係平時咁，佢唔會搵我，亦都唔會打比我。」
「你同我傾一日嘅時間，我諗多過由我返咗香港之後，同佢傾嘅時間。」她說。
「咁嚴重？」我驚訝。
「咁你今晚唔驚佢搵？」我問。
「我熄咗個定位喇。」她說。
「你繼續～」我說。
「主要就係咁…」她說。
「所以，你同佢之間嘅問題，就唔係出於你唔愛佢，而係現實令到你地兩個有可能會分開，同埋你覺得佢想分手？咁如果係咁嘅，你會唔會嘗試做啲嘢？」我問。
「嚟緊下個月，我估九月尾？應該會返去台灣搵佢，陪佢讀埋嗰個sem。」
「如果依半年真係唔得嘅話，我都唔知點…」她說得無奈。
「我明，支持你依個決定嘅！」我說。
「好彩你都明我…」她說。
「咁今餐你㗎喇！」我笑說。
那晚，我送了她回家。
「不如，我地傾多陣？」她問。
「好啊～」我說。
就這樣，我和她就在那個屋苑中不斷的遊走，說著不切邊際的事情，直到…
「我啱咪同你講…」
「我同佢之間有條倒刺，係依一世都唔會消失到？」她緩緩說出。
「你講喇～」我說。
「記得嗰陣，我同佢仲係唔同地方住緊…」
「有一次，我早咗晚去佢到，諗住比個驚喜佢…」
「然後，我係窗到見到佢係樓下攬住個女仔，準備上嚟…」
「我嗰吓好驚，困埋咗自己入洗手間…」
「然後，我估佢入咗門之後察覺到我嚟咗，所以好快咁送咗個女仔走咗…」
「然後我行出洗手間，坐咗係床，思考緊應該點問佢…」
「佢返到嚟之後，一句聲都冇出過…」
「然後將我抱上張床，強吻我…」
「嗰晚，我覺得自己好污糟…」嘉盈說出那段不堪回首的過去。
我拿出紙巾，遞給了她。
我當下曾經想過安慰她，或是抱著她，但通通都沒有實行，也許是這個訊息對我而言過於震撼，又或許是我認為當刻我陪伴已經足夠，不過所有事情都不重要了…
因為那晚，我將藏在心底某處的六年記憶喚醒了，從此一發不收拾。
多久了 我都沒變 愛妳這回事 整整六年
妳最好 做好準備 我沒有打算 停止一切
沒關係妳也不用對我慚愧 也許我根本喜歡被妳浪費
隨便妳今天拼命愛上誰 我都會 坦然面對
即使要我跟妳再耗個十年 無所謂
－ 浪費
歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！!
P.S. 更新情況睇進度，應該會每日更新，除咗星期六日，下星期一見！
聽日冇更新啊！！！！！！！！