分手後，遇上你: 長洲之遊（ 二 )

於是我地兩個就膽粗粗咁行左入去間房，比

我想像既差唔多，二百蚊既價係咁上下啦，提

醒大家，如果要過夜真係唔好揾東提果邊，因

為環境真係幾差下。講番正題，我地入到去，

開曬屋入邊既野，之後過左陣先關門，冇計





啦，費事一屋唔知咩味啦。兩個人由於太攰，

基本上訓係床到一陣就訓著左，醒番都已經係

兩點既事，兩條友對住塊鏡，執下個人樣，我

係男，當然比佢呢啲女既快執完啦，手快快執

完又冇野做，於是就對Jessica手多多啦，而





且見佢冇反抗，咁就緊係繼續進攻嫁啦，點知

Jessica突然轉個頭望住我，之後望到實一實

咁講「唔好要我對你失望，唔好忘記你話只係

黎休息下炸，再手多多既話，唔洗指意下次我

會陪你。」





比佢咁講一講，自己都醒水，冇再繼續，走

左出去食下煙，無幾耐Jessica就出左黎，之

後就講左句，「行得」，講完就佢由佢行，而

我就係後邊跟住，我地不斷行，就不斷食，基

本上真係行到邊，就食到行，到最後真係攰到

唔想行，就諗住揾個位坐係到休息下。但點

知，係呢個時間突然有架單車剎出黎，差五秒

到就撞到Jessica，我大叫「小心」，而隻右





手同時伸出去捉住佢，將佢一下扯黎我懷抱

到，一手將攬住，令一隻就護住佢個頭，而架

單車係我背後擦過，搞到我背脊勁痛，正當我

諗住跑上去追個飄車黨既時候，背後突然傳黎

一聲「哎呀」。

我向後望左一望，發現Jessica坐左係到，

而隻左手不停咁摸左腳既腳眼，我單腳跪底，





係佢腳眼位摸左幾下，發覺有啲腫，唔洗問

啦，一定係扭親啦。「做咩整親都唔講出聲

丫，係唔係岩岩比我扯左埋黎果時整親嫁？仲

行唔行到丫？」Jessica冇出到聲，只係不停

咁摸個腳眼，跟住無幾耐就開始喊，愈喊仲愈

大聲，「喂喂喂，當我拜下你啦，你唔好喊

啦，我地以家番去啦好冇？」，「走開丫你，

做咩咁大力扯人地丫，好痛丫，叫我點行





丫？」

原來女仔整親都幾唔講道理，話曬救佢一命

啵，算啦，搞掂左佢先仲好，我企左起身，雙

手將佢抱起，就咁靜靜地係日落既底下行番去

房到，而佢中途就訓著左，可想而之佢幾攰。