分手後，遇上你: 分開的第七天

今日係我地分開既第七日，同樣都係我離開學校既第七日，我冇再讀書，正正式式成為雙失青年，失戀又失學，當然，呢一切都係我自己攞黎。自從失戀後，我多左一個習慣。
我每日六點半就會係Jessica屋企對面既7仔到等Jessica落黎，當然佢一直都唔知道我既存在，我只係遠遠咁望住佢，頭幾日Jessica都係日日紅住眼出大廈，紅住眼番屋企咁樣，但自後第五日，我發現Jessica成日滿口笑容，而且仲成日拎住個電話笑個唔停，唔通佢已經比人哄係開心？哄佢既係男定女呢？唔知道又發展到咩地步呢？如期亂諗，不如自己尋找答案，今日Jessica放左學冇直接番到屋企，而係落左去銅鑼灣，我感到好奇，打去比我學校原先既朋友，了解下Jessica既近況，「丫仁，Jessica最近有冇異常情況或者有冇男仔追佢咁？」，「k哥，上次你叫我幫手之後，開頭見佢仲成日一面唔開心既樣，而且仲唔講野咁，無論咩人同佢講野都冇反應，但最近，我發覺中四同佢同班有條淫蟲，成日係Jessica身邊轉黎轉去，而且仲時不時拖住Jessica隻手。」
我愈聽愈嬲，如果Jessica係識個好啲既人都話，但識個咁既人，絕對唔得，我決定要插手，「比條友既一切資料我。」