《我老婆唔係我女朋友》【那些年／日常／校園】 第一至三章: 【第三章】 人形狼狗起搏器（２）
換了在平日，我定必串佢「遠睇似公主，近睇似蕃薯」，但這一刻我真正呆若木雞，像個白癡一樣，出不了聲。
南昌街未必有王子，可窩仔街肯定有公主，是我的蕃薯公主！
「乜我個樣好怪咩？」阿心見我瞪眼呆望著她，帶點擔心的語氣問我。
我稍稍回魂：「呃…唔係個樣怪，係有啲唔認得妳啫，妳戴耳環嘅咩？妳都無穿耳㗎。」我見她戴了垂吊形耳環，唯有隨便亂問來掩飾我的失常。
「唏，傻仔，有夾耳耳環㗎嘛，你睇？」她拈起耳朵給我看那個夾的耳環。「我問你呀，噉樣化妝唔會好怪啩？」平日不習慣妝扮的她，對妝容的效果非常敏感。
「…嗯…我覺得妳個妝OK呀，有無人話妳怪先？淨係我話好無用嘅，要其他人話先得嘛。不過妳畀啲自信啦，王小姐。」我強烈覺得自己言不由衷，實際上我在心中喃喃，何只OK呢，簡直是「𠽌𠽌聲」啦。
聽到我叫她王小姐，知道我繞個彎讚佢似王T賢咁靚，她喜孜孜的站起來：「你taste好嘛，你話得就得啦，我帶你入場先。」
嘿，呢啲時候就讚人Good Taste。
原本只是跟Leon戲言她是「雅典娜」，想不到竟然來個弄假成真，變成「女神降臨」！欵～你估她平日的麻甩、樸素，會不會反而是她獨特的化妝呢？是刻意裝出來的，因為明知自己一旦正妝起來，就會特別出眾？嗯～我想不會那麼反高潮吧。